2.2.3

तावन्मात्रम् एकद्वारं खातगुप्तं स्वादुफलगुल्मगुच्छम् अकण्टकिद्रुमम् उत्तानतोयाशयं दान्तमृगचतुष्पदं भग्ननखदंष्ट्रव्यालं मार्गयुकहस्तिहस्तिनीकलभं मृगवनं विहारार्थं राज्ञः

tāvanmātram ekadvāraṃ khātaguptaṃ svāduphalagulmaguccham akaṇṭakidrumam uttānatoyāśayaṃ dāntamṛgacatuṣpadaṃ bhagnanakhadaṃṣṭravyālaṃ mārgayukahastihastinīkalabhaṃ mṛgavanaṃ vihārārthaṃ rājñaḥ

2.2.4

सर्वातिथिमृगं प्रत्यन्ते चान्यन्मृगवनं भूमिवशेन वा निवेशयेत्

sarvātithimṛgaṃ pratyante cānyanmṛgavanaṃ bhūmivaśena vā niveśayet

2.2.5

कुप्यप्रदिष्टानां च द्रव्याणाम् एकैकशो वनानि निवेशयेत् द्रव्यवनकर्मान्तान् अटवीश्च द्रव्यवनापाश्रयाः

kupyapradiṣṭānāṃ ca dravyāṇām ekaikaśo vanāni niveśayet dravyavanakarmāntān aṭavīśca dravyavanāpāśrayāḥ

2.2.6

प्रत्यन्ते हस्तिवनम् अटव्यारक्षं निवेशयेत्

pratyante hastivanam aṭavyārakṣaṃ niveśayet

2.2.7

नागवनाध्यक्षः पार्वतं नादेयं सारसमानूपं च नागवनं विदितपर्यन्तप्रवेशनिष्कासं नागवनपालैः पालयेत्

nāgavanādhyakṣaḥ pārvataṃ nādeyaṃ sārasamānūpaṃ ca nāgavanaṃ viditaparyantapraveśaniṣkāsaṃ nāgavanapālaiḥ pālayet

2.2.8

हस्तिघातिनं हन्युः

hastighātinaṃ hanyuḥ

2.2.9

दन्तयुगं स्वयंमृतस्याहरतः सपादचतुष्पणो

dantayugaṃ svayaṃmṛtasyāharataḥ sapādacatuṣpaṇo

2.2.10

नागवनपाला हस्तिपकपादपाशिकसौमिकवनचरकपारिकर्मिकसखा हस्तिमूत्रपुरीषच्छन्नगन्धा भल्लातकीशाखाप्रच्छन्नाः पञ्चभिः सप्तभिर् वा हस्तिबन्धकीभिः सह चरन्तः शय्यास्थानपद्यालेण्डकूलघातोद्देशेन हस्तिकुलपर्यग्रं विद्युः

nāgavanapālā hastipakapādapāśikasaumikavanacarakapārikarmikasakhā hastimūtrapurīṣacchannagandhā bhallātakīśākhāpracchannāḥ pañcabhiḥ saptabhir vā hastibandhakībhiḥ saha carantaḥ śayyāsthānapadyāleṇḍakūlaghātoddeśena hastikulaparyagraṃ vidyuḥ

2.2.11

यूथचरम् एकचरं निर्यूथं यूथपतिं हस्तिनं व्यालं मत्तं पोतं बन्धमुक्तं च निबन्धेन विद्युः

yūthacaram ekacaraṃ niryūthaṃ yūthapatiṃ hastinaṃ vyālaṃ mattaṃ potaṃ bandhamuktaṃ ca nibandhena vidyuḥ

2.2.12

अनीकस्थप्रमाणैः प्रशस्तव्यञ्जनाचारान् हस्तिनो गृह्णीयुः

anīkasthapramāṇaiḥ praśastavyañjanācārān hastino gṛhṇīyuḥ

2.2.13

हस्तिप्रधानं विजयो राज्ञः

hastipradhānaṃ vijayo rājñaḥ

2.2.14

परानीकव्यूहदुर्गस्कन्धावारप्रमर्दना ह्यतिप्रमाणशरीराः प्राणहरकर्माणो हस्तिनः

parānīkavyūhadurgaskandhāvārapramardanā hyatipramāṇaśarīrāḥ prāṇaharakarmāṇo hastinaḥ

2.2.15

कालिङ्गाङ्गगजाः श्रेष्ठाः प्राच्याश्चेदिकरूषजाः

kāliṅgāṅgagajāḥ śreṣṭhāḥ prācyāścedikarūṣajāḥ

2.2.15.2

दाशार्णाश्चापरान्ताश्च द्विपानां मध्यमा मताः

dāśārṇāścāparāntāśca dvipānāṃ madhyamā matāḥ

2.2.16

सौराष्ट्रिकाः पाञ्चनदास्तेषां प्रत्यवराः स्मृताः

saurāṣṭrikāḥ pāñcanadāsteṣāṃ pratyavarāḥ smṛtāḥ

2.2.16.2

सर्वेषां कर्मणा वीर्यं जवस्तेजश्च वर्धते

sarveṣāṃ karmaṇā vīryaṃ javastejaśca vardhate

2.3.1

चतुर्दिशम् जनपद अन्ते साम्परायिकम् दैव कृतम् दुर्गम् कारयेत् अन्तर् द्वीपम् स्थलम् _ निम्न अवरुद्धम् औदकम् प्रास्तरम् गुहाम् _ पार्वतम् निरुदक स्तम्बम् इरिणम् _ धान्वनम् खञ्जन उदकम् स्तम्ब गहनम् _ वन दुर्गम्

caturdiśam janapada ante sāmparāyikam daiva kṛtam durgam kārayet antar dvīpam sthalam _ nimna avaruddham audakam prāstaram guhām _ pārvatam nirudaka stambam iriṇam _ dhānvanam khañjana udakam stamba gahanam _ vana durgam

2.3.2

तेषाम् नदी पर्वत दुर्गम् जनपद आरक्ष स्थानम् धान्वन वन दुर्गम् अटवी स्थानम् आपदि अपसारः _

teṣām nadī parvata durgam janapada ārakṣa sthānam dhānvana vana durgam aṭavī sthānam āpadi apasāraḥ _

2.3.3

जनपद मध्ये समुदय स्थानम् स्थानीयम् निवेशयेत् वास्तुक प्रशस्ते देशे नदी संगमे वृत्तम् दीर्घम् चतुरश्रम् _ वास्तु वशेन _ प्रदक्षिण उदकम् पण्य पुटभेदनम् अंस पथ वारि पथाभ्याम् उपेतम्

janapada madhye samudaya sthānam sthānīyam niveśayet vāstuka praśaste deśe nadī saṃgame vṛttam dīrgham caturaśram _ vāstu vaśena _ pradakṣiṇa udakam paṇya puṭabhedanam aṃsa patha vāri pathābhyām upetam

2.3.4

तस्य परिखाः तिस्रः दण्ड अन्तराः कारयेत् चतुर्दश द्वादश दश इति दण्डान् विस्तीर्णाः विस्तारात् अवगाढाः पाद ऊनम् अर्धम् _ त्रि भाग मूलाः मूल चतुरश्राः _ पाषाण उपहिताः पाषाण इष्टका बद्ध पार्श्वाः _ तोय आन्तिकाः आगन्तु तोय पूर्णाः _ स परिवाहाः पद्म ग्राहवतीः च

tasya parikhāḥ tisraḥ daṇḍa antarāḥ kārayet caturdaśa dvādaśa daśa iti daṇḍān vistīrṇāḥ vistārāt avagāḍhāḥ pāda ūnam ardham _ tri bhāga mūlāḥ mūla caturaśrāḥ _ pāṣāṇa upahitāḥ pāṣāṇa iṣṭakā baddha pārśvāḥ _ toya āntikāḥ āgantu toya pūrṇāḥ _ sa parivāhāḥ padma grāhavatīḥ ca

Arthaśāstra