7.8.10

अधिश्रयण वर्जम् दधनि क्रियते

adhiśrayaṇa varjam dadhani kriyate

7.8.11

न एतस्य दध्नः संस्कारः विद्यते इति अपरम्

na etasya dadhnaḥ saṃskāraḥ vidyate iti aparam

7.9.1

आज्य ग्रहण काले चतुर् जुह्वाम् गृह्णाति चतुः उपभृति

ājya grahaṇa kāle catur juhvām gṛhṇāti catuḥ upabhṛti

7.9.2

दधनि आज्यम् आनीय महीनाम् पयः असि इति पृषदाज्य धान्याम् पञ्च गृहीतम् पृषदाज्यम् ज्योतिः असि विश्व रूपम् विश्वेषाम् देवानाम् समिध् इति वा

dadhani ājyam ānīya mahīnām payaḥ asi iti pṛṣadājya dhānyām pañca gṛhītam pṛṣadājyam jyotiḥ asi viśva rūpam viśveṣām devānām samidh iti vā

7.9.3

चतुः ध्रुवायाम्

catuḥ dhruvāyām

7.9.4

सादन काले आज्यानि सादयति उपभृत् वत् पृषदाज्य धानीम्

sādana kāle ājyāni sādayati upabhṛt vat pṛṣadājya dhānīm

7.9.5

पूर्ववत् आज्यानि अभिमन्त्र्य अग्रेण आहवनीयम् यूप अवटम् परिलिखति अर्धम् अन्तर्वेदि अर्धम् बहिर्वेदि

pūrvavat ājyāni abhimantrya agreṇa āhavanīyam yūpa avaṭam parilikhati ardham antarvedi ardham bahirvedi

7.9.6

पूर्ववत् अभ्रेः आदानम् परिलेखनः च

pūrvavat abhreḥ ādānam parilekhanaḥ ca

7.9.7

अथ खनति यथा न आविस् उपरम् भविष्यति इति

atha khanati yathā na āvis uparam bhaviṣyati iti

7.9.8

अग्रेण अवटम् प्राञ्चम् यूपम् निधाय यत् ते शिक्वः परावधीत् तक्षा हस्तेन वास्या आपः तत् सर्वम् जीवलाः शुन्धन्तु शुचयः शुचिम् इति यूपम् प्रक्षाल्य अथ एनम् यवमतीभिः प्रोक्षति पृथिव्यै त्वा इति मूलम् अन्तरिक्षाय त्वा इति मध्यम् दिवे त्वा इति अग्रम्

agreṇa avaṭam prāñcam yūpam nidhāya yat te śikvaḥ parāvadhīt takṣā hastena vāsyā āpaḥ tat sarvam jīvalāḥ śundhantu śucayaḥ śucim iti yūpam prakṣālya atha enam yavamatībhiḥ prokṣati pṛthivyai tvā iti mūlam antarikṣāya tvā iti madhyam dive tvā iti agram

7.9.9

शुन्धताम् लोकः पितृषदनः इति प्रोक्षणी शेषम् अवटे अवनीय यवः असि इति यवम् अवास्य पितॄणाम् सदनम् असि इति बर्हिषा अवस्तीर्य सु आवेशः असि इति प्रथम परापातिनम् शकलम् अवास्य घृतेन द्यावापृथिवी आपृणेथाम् इति स्रुवेण शकले हुत्वा

śundhatām lokaḥ pitṛṣadanaḥ iti prokṣaṇī śeṣam avaṭe avanīya yavaḥ asi iti yavam avāsya pitṝṇām sadanam asi iti barhiṣā avastīrya su āveśaḥ asi iti prathama parāpātinam śakalam avāsya ghṛtena dyāvāpṛthivī āpṛṇethām iti sruveṇa śakale hutvā

7.10.1

यूपाय अज्यमानाय अनुब्रूहि इति संप्रेष्यति अज्यमानाय अनुब्रूहि अञ्ज्मः यूपम् अनुब्रूहि इति वा

yūpāya ajyamānāya anubrūhi iti saṃpreṣyati ajyamānāya anubrūhi añjmaḥ yūpam anubrūhi iti vā

7.10.2

अथ एनम् असंस्कृतेन आज्येन यजमानः अग्रतस् शकलेन अनक्ति

atha enam asaṃskṛtena ājyena yajamānaḥ agratas śakalena anakti

7.10.3

ऐन्द्रम् असि इति चषालम् अक्त्वा सु पिप्पलाभ्यः त्वा ओषधीभ्यः इति प्रतिमुच्य देवः त्वा सविता मध्वा अनक्तु इति स्रुवेण संततम् अ विच्छिन्दन् अग्निष्ठाम् अश्रिम् अनक्ति आ उपरात्

aindram asi iti caṣālam aktvā su pippalābhyaḥ tvā oṣadhībhyaḥ iti pratimucya devaḥ tvā savitā madhvā anaktu iti sruveṇa saṃtatam a vicchindan agniṣṭhām aśrim anakti ā uparāt

7.10.4

रशना देशे त्रिस् सर्वतस् यूपम् संमृशति

raśanā deśe tris sarvatas yūpam saṃmṛśati

7.10.5

अञ्जन आदि यूपम् यजमानः न उत्सृजति आ परिव्ययणात्

añjana ādi yūpam yajamānaḥ na utsṛjati ā parivyayaṇāt

7.10.6

यूपाय उच्छ्रीयमाणाय अनुब्रूहि इति संप्रेष्यति उच्छ्रीयमाणाय अनुब्रूहि इति वा

yūpāya ucchrīyamāṇāya anubrūhi iti saṃpreṣyati ucchrīyamāṇāya anubrūhi iti vā

7.10.7

उद् दिवम् स्तभान अन्तरिक्षम् पृण इति उच्छ्रयति

ud divam stabhāna antarikṣam pṛṇa iti ucchrayati

7.10.8

ते ते धामानि इति अवटे अवदधाति

te te dhāmāni iti avaṭe avadadhāti

7.10.9

विष्णोः कर्माणि पश्यत इति द्वाभ्याम् आहवनीयेन अग्निष्ठाम् संमिनोति

viṣṇoḥ karmāṇi paśyata iti dvābhyām āhavanīyena agniṣṭhām saṃminoti

Āpastambaśrautasūtra