3.11.12

न सूक्तेन निविदम् अतिपद्येत

na sūktena nividam atipadyeta

3.11.13

येन सूक्तेन निविदम् अतिपद्येत न तत् पुनर् उपनिवर्तेत वास्तुहम् एव तत्

yena sūktena nividam atipadyeta na tat punar upanivarteta vāstuham eva tat

3.11.14

अन्यत् तद्दैवतं तच्छन्दसं सूक्तम् आहृत्य तस्मिन् निविदं दध्यात्

anyat taddaivataṃ tacchandasaṃ sūktam āhṛtya tasmin nividaṃ dadhyāt

3.11.15

मा प्र गाम पथो वयम् इति पुरस्तात् सूक्तस्य शंसति

mā pra gāma patho vayam iti purastāt sūktasya śaṃsati

3.11.16

पथो वा एष प्रैति यो यज्ञे मुह्यति मा यज्ञाद् इन्द्र सोमिन इति यज्ञाद् एव तन् न प्रच्यवते

patho vā eṣa praiti yo yajñe muhyati mā yajñād indra somina iti yajñād eva tan na pracyavate

3.11.17

मान्त स्थुर् नो अरातय इत्य् अरातीयत एव तद् अपहन्ति

mānta sthur no arātaya ity arātīyata eva tad apahanti

3.11.18

यो यज्ञस्य प्रसाधनस् तन्तुर् देवेष्व् आततः तम् आहुतं नशीमहीति

yo yajñasya prasādhanas tantur deveṣv ātataḥ tam āhutaṃ naśīmahīti

3.11.19

प्रजा वै तन्तुः प्रजाम् एवास्मा एतत् संतनोति

prajā vai tantuḥ prajām evāsmā etat saṃtanoti

3.11.20

मनो न्व् आ हुवामहे नाराशंसेन सोमेनेति

mano nv ā huvāmahe nārāśaṃsena someneti

3.11.21

मनसा वै यज्ञस् तायते मनसा क्रियते

manasā vai yajñas tāyate manasā kriyate

3.11.22

सैव तत्र प्रायश्चित्तिः प्रायश्चित्तिः

saiva tatra prāyaścittiḥ prāyaścittiḥ

3.12.1

देवविशः कल्पयितव्या इत्य् आहुश् छन्दश् छन्दसि प्रतिष्ठाप्यम् इति श्ॐसावोम् इत्य् आह्वयते प्रातःसवने त्र्यक्षरेण शंसामोदैवोम् इत्य् अध्वर्युः प्रतिगृणाति पञ्चाक्षरेण तद् अष्टाक्षरं सम्पद्यते ऽष्टाक्षरा वै गायत्री गायत्रीम् एव तत् पुरस्तात् प्रातःसवने

devaviśaḥ kalpayitavyā ity āhuś chandaś chandasi pratiṣṭhāpyam iti śoṃsāvom ity āhvayate prātaḥsavane tryakṣareṇa śaṃsāmodaivom ity adhvaryuḥ pratigṛṇāti pañcākṣareṇa tad aṣṭākṣaraṃ sampadyate 'ṣṭākṣarā vai gāyatrī gāyatrīm eva tat purastāt prātaḥsavane

3.12.2

उक्थं वाचीत्य् आह शस्त्वा चतुरक्षरम् ओम् उक्थशा इत्य् अध्वर्युश् चतुरक्षरं तद् अष्टाक्षरं सम्पद्यते ऽष्टाक्षरा वै गायत्री गायत्रीम् एव तद् उभयतः प्रातःसवने ऽचीक्ﾱपताम्

ukthaṃ vācīty āha śastvā caturakṣaram om ukthaśā ity adhvaryuś caturakṣaraṃ tad aṣṭākṣaraṃ sampadyate 'ṣṭākṣarā vai gāyatrī gāyatrīm eva tad ubhayataḥ prātaḥsavane 'cīkﾱpatām

3.12.3

अध्वर्यो श्ॐसावोम् इत्य् आह्वयते मध्यंदिने षﾱअक्षरेण शंसामोदैवोम् इत्य् अध्वर्युः प्रतिगृणाति पञ्चाक्षरेण तद् एकादशाक्षरं सम्पद्यत एकादशाक्षरा वै त्रिष्टुप् त्रिष्टुभम् एव तत् पुरस्तान् मध्यंदिने ऽचीक्ﾱपताम् उक्थं वाचीन्द्रायेत्य् आह शस्त्वा सप्ताक्षरम् ओम् उक्थशा इत्य् अध्वर्युश् चतुरक्षरं तद् एकादशाक्षरं सम्पद्यत एकादशाक्षरा वै त्रिष्टुप् त्रिष्टुभम् एव तद् उभयतो मध्यंदिने

adhvaryo śoṃsāvom ity āhvayate madhyaṃdine ṣaﾱakṣareṇa śaṃsāmodaivom ity adhvaryuḥ pratigṛṇāti pañcākṣareṇa tad ekādaśākṣaraṃ sampadyata ekādaśākṣarā vai triṣṭup triṣṭubham eva tat purastān madhyaṃdine 'cīkﾱpatām ukthaṃ vācīndrāyety āha śastvā saptākṣaram om ukthaśā ity adhvaryuś caturakṣaraṃ tad ekādaśākṣaraṃ sampadyata ekādaśākṣarā vai triṣṭup triṣṭubham eva tad ubhayato madhyaṃdine

3.12.4

अध्वर्यो शोश्ॐसावोम् इत्य् आह्वयते तृतीयसवने सप्ताक्षरेण शंसामोदैवोम् इत्य् अध्वर्युः प्रतिगृणाति पञ्चाक्षरेण तद् द्वादशाक्षरं सम्पद्यते द्वादशाक्षरा वै जगती जगतीम् एव तत् पुरस्तात् तृतीयसवने ऽचीक्ﾱपताम् उक्थं वाचीन्द्राय देवेभ्य इत्य् आह शस्त्वैकादशाक्षरम् ओम् इत्य् अध्वर्युर् एकाक्षरं तद् द्वादशाक्षरं सम्पद्यते द्वादशाक्षरा वै जगती जगतीम् एव तद् उभयतस् तृतीयसवने

adhvaryo śośoṃsāvom ity āhvayate tṛtīyasavane saptākṣareṇa śaṃsāmodaivom ity adhvaryuḥ pratigṛṇāti pañcākṣareṇa tad dvādaśākṣaraṃ sampadyate dvādaśākṣarā vai jagatī jagatīm eva tat purastāt tṛtīyasavane 'cīkﾱpatām ukthaṃ vācīndrāya devebhya ity āha śastvaikādaśākṣaram om ity adhvaryur ekākṣaraṃ tad dvādaśākṣaraṃ sampadyate dvādaśākṣarā vai jagatī jagatīm eva tad ubhayatas tṛtīyasavane

3.12.5

तद् एतद् ऋषिः पश्यन्न् अभ्यनूवाच

tad etad ṛṣiḥ paśyann abhyanūvāca

3.12.6

यद् गायत्रे अधि गायत्रम् आहितं त्रैष्टुभाद् वा त्रैष्टुभं निरतक्षत यद् वा जगज् जगत्य् आहितम् पदं य इत् तद् विदुस् ते अमृतत्वम् आनशुर् इति

yad gāyatre adhi gāyatram āhitaṃ traiṣṭubhād vā traiṣṭubhaṃ niratakṣata yad vā jagaj jagaty āhitam padaṃ ya it tad vidus te amṛtatvam ānaśur iti

3.12.7

एतद् वै तच् छन्दश् छन्दसि प्रतिष्ठापयति

etad vai tac chandaś chandasi pratiṣṭhāpayati

3.12.8

कल्पयति देवविशो य एवं वेद

kalpayati devaviśo ya evaṃ veda

3.13.1

प्रजापतिर् वै यज्ञं छन्दांसि देवेभ्यो भागधेयानि व्यभजत् स गायत्रीम् एवाग्नये वसुभ्यः प्रातःसवने ऽभजत् त्रिष्टुभम् इन्द्राय रुद्रेभ्यो मध्यंदिने जगतीं विश्वेभ्यो देवेभ्य आदित्येभ्यस् तृतीयसवने

prajāpatir vai yajñaṃ chandāṃsi devebhyo bhāgadheyāni vyabhajat sa gāyatrīm evāgnaye vasubhyaḥ prātaḥsavane 'bhajat triṣṭubham indrāya rudrebhyo madhyaṃdine jagatīṃ viśvebhyo devebhya ādityebhyas tṛtīyasavane

Aitareyabrāhmaṇa