8.10.8

उपस्थायामित्राणां व्यपनुत्तिम् ब्रुवन् गृहान् अभ्येत्य् अप प्राच इन्द्र विश्वाṁ अमित्रान् इति सर्वतो हास्मा अनमित्रम् अभयम् भवत्य् उत्तरोत्तरिणीं ह श्रियम् अश्नुते ऽश्नुते ह प्रजानाम् ऐश्वर्यम् आधिपत्यं य एवम् एताम् अमित्राणां व्यपनुत्तिम् ब्रुवन् गृहान् अभ्येति

upasthāyāmitrāṇāṃ vyapanuttim bruvan gṛhān abhyety apa prāca indra viśvāṁ amitrān iti sarvato hāsmā anamitram abhayam bhavaty uttarottariṇīṃ ha śriyam aśnute 'śnute ha prajānām aiśvaryam ādhipatyaṃ ya evam etām amitrāṇāṃ vyapanuttim bruvan gṛhān abhyeti

8.10.9

एत्य गृहान् पश्चाद् गृह्यस्याग्नेर् उपविष्टायान्वारब्धाय ऋत्विग् अन्ततः कंसेन चतुर्गृहीतस् तिस्र आज्याहुतीर् ऐन्द्रीः प्रपदं जुहोत्य् अनार्त्या अरिष्ट्या अज्यान्या अभयाय

etya gṛhān paścād gṛhyasyāgner upaviṣṭāyānvārabdhāya ṛtvig antataḥ kaṃsena caturgṛhītas tisra ājyāhutīr aindrīḥ prapadaṃ juhoty anārtyā ariṣṭyā ajyānyā abhayāya

8.11.1

पर्य् ऊ षु प्रधन्व वाजसातये परि वृत्रा भूर् ब्रह्म प्राणम् अमृतम् प्रपद्यते ऽयम् असौ शर्म वर्माभयं स्वस्तये सह प्रजया सह पशुभिर् णि सक्षणिर् द्विषस् तरध्या ऋणया न ईयसे स्वाहा

pary ū ṣu pradhanva vājasātaye pari vṛtrā bhūr brahma prāṇam amṛtam prapadyate 'yam asau śarma varmābhayaṃ svastaye saha prajayā saha paśubhir ṇi sakṣaṇir dviṣas taradhyā ṛṇayā na īyase svāhā

8.11.2

अनु हि त्वा सुतं सोम मदामसि महे सम भुवो ब्रह्म प्राणम् अमृतम् प्रपद्यते ऽयम् असौ शर्म वर्माभयं स्वस्तये सह प्रजया सह पशुभि र्यराज्ये वाजाṁ अभि पवमान प्र

anu hi tvā sutaṃ soma madāmasi mahe sama bhuvo brahma prāṇam amṛtam prapadyate 'yam asau śarma varmābhayaṃ svastaye saha prajayā saha paśubhi ryarājye vājāṁ abhi pavamāna pra

8.11.3

अजीजनो हि पवमान सूर्यं विधारे श स्वर् ब्रह्म प्राणम् अमृतम् प्रपद्यते ऽयम् असौ शर्म वर्माभयं स्वस्तये सह प्रजया सह पशुभिः क्मना पयो गोजीरया रंहमाणः

ajījano hi pavamāna sūryaṃ vidhāre śa svar brahma prāṇam amṛtam prapadyate 'yam asau śarma varmābhayaṃ svastaye saha prajayā saha paśubhiḥ kmanā payo gojīrayā raṃhamāṇaḥ

8.11.4

अनार्तो ह वा अरिष्टो ऽजीतः सर्वतो गुप्तस् त्रय्यै विद्यायै रूपेण सर्वा दिशो ऽनुसंचरत्य् ऐन्द्रे लोके प्रतिष्ठितो यस्मा एता ऋत्विग् अन्ततः कंसेन चतुर्गृहीतास् तिस्र आज्याहुतीर् ऐन्द्रीः प्रपदं जुहोति

anārto ha vā ariṣṭo 'jītaḥ sarvato guptas trayyai vidyāyai rūpeṇa sarvā diśo 'nusaṃcaraty aindre loke pratiṣṭhito yasmā etā ṛtvig antataḥ kaṃsena caturgṛhītās tisra ājyāhutīr aindrīḥ prapadaṃ juhoti

8.11.5

अथान्ततः प्रजातिम् आशास्ते गवाम् अश्वानाम् पुरुषाणाम् इह गावः प्रजायध्वम् इहाश्वा इह पूरुषाः इहो सहस्रदक्षिणो वीरस् त्राता निषीदत्व् इति

athāntataḥ prajātim āśāste gavām aśvānām puruṣāṇām iha gāvaḥ prajāyadhvam ihāśvā iha pūruṣāḥ iho sahasradakṣiṇo vīras trātā niṣīdatv iti

8.11.6

बहुर् ह वै प्रजया पशुभिर् भवति य एवम् एताम् अन्ततः प्रजातिम् आशास्ते गवाम् अश्वानाम् पुरुषाणाम्

bahur ha vai prajayā paśubhir bhavati ya evam etām antataḥ prajātim āśāste gavām aśvānām puruṣāṇām

8.11.7

एष ह वाव क्षत्रियो ऽविकृष्टो यम् एवंविदो याजयन्ति

eṣa ha vāva kṣatriyo 'vikṛṣṭo yam evaṃvido yājayanti

8.11.8

अथ ह तं व्य् एव कर्षन्ते यथा ह वा इदं निषादा वा सेलगा वा पापकृतो वा वित्तवन्तम् पुरुषम् अरण्ये गृहीत्वा कर्तम् अन्वस्य वित्तम् आदाय द्रवन्त्य् एवम् एव त ऋत्विजो यजमानं कर्तम् अन्वस्य वित्तम् आदाय द्रवन्ति यम् अनेवंविदो याजयन्ति

atha ha taṃ vy eva karṣante yathā ha vā idaṃ niṣādā vā selagā vā pāpakṛto vā vittavantam puruṣam araṇye gṛhītvā kartam anvasya vittam ādāya dravanty evam eva ta ṛtvijo yajamānaṃ kartam anvasya vittam ādāya dravanti yam anevaṃvido yājayanti

8.11.9

एतद्ध स्म वै तद् विद्वान् आह जनमेजयः पारिक्षित एवंविदं हि वै माम् एवंविदो याजयन्ति तस्माद् अहम् जयाम्य् अभीत्वरीं सेनां जयाम्य् अभीत्वर्या सेनया न मा दिव्या न मानुष्य इषव ऋच्छन्त्य् एष्यामि सर्वम् आयुः सर्वभूमिर् भविष्यामीति

etaddha sma vai tad vidvān āha janamejayaḥ pārikṣita evaṃvidaṃ hi vai mām evaṃvido yājayanti tasmād aham jayāmy abhītvarīṃ senāṃ jayāmy abhītvaryā senayā na mā divyā na mānuṣya iṣava ṛcchanty eṣyāmi sarvam āyuḥ sarvabhūmir bhaviṣyāmīti

8.11.10

न ह वा एनं दिव्या न मानुष्य इषव ऋच्छन्त्य् एति सर्वम् आयुः सर्वभूमिर् भवति यम् एवंविदो याजयन्ति याजयन्ति

na ha vā enaṃ divyā na mānuṣya iṣava ṛcchanty eti sarvam āyuḥ sarvabhūmir bhavati yam evaṃvido yājayanti yājayanti

8.12.1

अथात ऐन्द्रो महाभिषेकः

athāta aindro mahābhiṣekaḥ

8.12.2

ते देवा अब्रुवन् सप्रजापतिका अयं वै देवानाम् ओजिष्ठो बलिष्ठः सहिष्ठः सत्तमः पारयिष्णुतम इमम् एवाभिषिञ्चामहा इति तथेति तद् वै तद् इन्द्रम् एव

te devā abruvan saprajāpatikā ayaṃ vai devānām ojiṣṭho baliṣṭhaḥ sahiṣṭhaḥ sattamaḥ pārayiṣṇutama imam evābhiṣiñcāmahā iti tatheti tad vai tad indram eva

8.12.3

तस्मा एताम् आसन्दीं समभरन्न् ऋचं नाम तस्यै बृहच् च रथंतरं च पूर्वौ पादाव् अकुर्वन् वैरूपं च वैराजं चापरौ शाक्वररैवते शीर्षण्ये नौधसं च कालेयं चानूच्ये ऋचः प्राचीनातानान् सामानि तिरश्चीनवायान् यजूंष्य् अतीकाशान् यश आस्तरणं श्रियम् उपबर्हणं तस्यै सविता च बृहस्पतिश् च पूर्वौ पादाव् अधारयतां वायुश् च पूषा चापरौ मित्रावरुणौ शीर्षण्ये अश्विनाव् अनूच्ये स एताम् आसन्दीम् आरोहत्

tasmā etām āsandīṃ samabharann ṛcaṃ nāma tasyai bṛhac ca rathaṃtaraṃ ca pūrvau pādāv akurvan vairūpaṃ ca vairājaṃ cāparau śākvararaivate śīrṣaṇye naudhasaṃ ca kāleyaṃ cānūcye ṛcaḥ prācīnātānān sāmāni tiraścīnavāyān yajūṃṣy atīkāśān yaśa āstaraṇaṃ śriyam upabarhaṇaṃ tasyai savitā ca bṛhaspatiś ca pūrvau pādāv adhārayatāṃ vāyuś ca pūṣā cāparau mitrāvaruṇau śīrṣaṇye aśvināv anūcye sa etām āsandīm ārohat

8.12.4

वसवस् त्वा गायत्रेण छन्दसा त्रिवृता स्तोमेन रथंतरेण साम्नारोहन्तु तान् अन्व् आरोहामि साम्राज्याय रुद्रास् त्वा त्रैष्टुभेन छन्दसा पञ्चदशेन स्तोमेन बृहता साम्नारोहन्तु तान् अन्व् आरोहामि भौज्यायादित्यास् त्वा जागतेन छन्दसा सप्तदशेन स्तोमेन वैरूपेण साम्नारोहन्तु तान् अन्व् आरोहामि स्वाराज्याय विश्वे त्वा देवा आनुष्टुभेन छन्दसैकविंशेन स्तोमेन वैराजेन साम्नारोहन्तु तान् अन्व् आरोहामि वैराज्याय साध्याश् च त्वाप्त्याश् च देवाः पाङ्क्तेन छन्दसा त्रिणवेन स्तोमेन शाक्वरेण साम्नारोहन्तु तान् अन्व् आरोहामि राज्याय मरुतश् च त्वाङ्गिरसश् च देवा अतिछन्दसा छन्दसा त्रयस्त्रिंशेन स्तोमेन रैवतेन साम्नारोहन्तु तान् अन्व् आरोहामि पारमेष्ठ्याय माहाराज्यायाधिपत्याय स्वावश्यायातिष्ठायारोहामीत्य् एताम् आसन्दीम् आरोहत्

vasavas tvā gāyatreṇa chandasā trivṛtā stomena rathaṃtareṇa sāmnārohantu tān anv ārohāmi sāmrājyāya rudrās tvā traiṣṭubhena chandasā pañcadaśena stomena bṛhatā sāmnārohantu tān anv ārohāmi bhaujyāyādityās tvā jāgatena chandasā saptadaśena stomena vairūpeṇa sāmnārohantu tān anv ārohāmi svārājyāya viśve tvā devā ānuṣṭubhena chandasaikaviṃśena stomena vairājena sāmnārohantu tān anv ārohāmi vairājyāya sādhyāś ca tvāptyāś ca devāḥ pāṅktena chandasā triṇavena stomena śākvareṇa sāmnārohantu tān anv ārohāmi rājyāya marutaś ca tvāṅgirasaś ca devā atichandasā chandasā trayastriṃśena stomena raivatena sāmnārohantu tān anv ārohāmi pārameṣṭhyāya māhārājyāyādhipatyāya svāvaśyāyātiṣṭhāyārohāmīty etām āsandīm ārohat

8.12.5

तम् एतस्याम् आसन्द्याम् आसीनं विश्वे देवा अब्रुवन् न वा अनभ्युत्क्रुष्ट इन्द्रो वीर्यं कर्तुम् अर्हत्य् अभ्य् एनम् उत्क्रोशामेति तथेति तं विश्वे देवा अभ्युदक्रोशन्न् इमं देवा अभ्युत्क्रोशत सम्राजं साम्राज्यम् भोजम् भोजपितरं स्वराजं स्वाराज्यं विराजं वैराज्यं राजानं राजपितरम् परमेष्ठिनम् पारमेष्ठ्यं क्षत्रम् अजनि क्षत्रियो ऽजनि विश्वस्य भूतस्याधिपतिर् अजनि विशाम् अत्ताजनि पुराम् भेत्ताजन्य् असुराणां हन्ताजनि ब्रह्मणो गोप्ताजनि धर्मस्य गोप्ताजनीति

tam etasyām āsandyām āsīnaṃ viśve devā abruvan na vā anabhyutkruṣṭa indro vīryaṃ kartum arhaty abhy enam utkrośāmeti tatheti taṃ viśve devā abhyudakrośann imaṃ devā abhyutkrośata samrājaṃ sāmrājyam bhojam bhojapitaraṃ svarājaṃ svārājyaṃ virājaṃ vairājyaṃ rājānaṃ rājapitaram parameṣṭhinam pārameṣṭhyaṃ kṣatram ajani kṣatriyo 'jani viśvasya bhūtasyādhipatir ajani viśām attājani purām bhettājany asurāṇāṃ hantājani brahmaṇo goptājani dharmasya goptājanīti

8.12.6

तम् अभ्युत्क्रुष्टम् प्रजापतिर् अभिषेक्ष्यन्न् एतयर्चाभ्यमन्त्रयत

tam abhyutkruṣṭam prajāpatir abhiṣekṣyann etayarcābhyamantrayata

8.13.1

निषसाद धृतव्रतो वरुणः पस्त्यास्व् आ साम्राज्याय भौज्याय स्वाराज्याय वैराज्याय पारमेष्ठ्याय राज्याय माहाराज्यायाधिपत्याय स्वावश्यायातिष्ठाय सुक्रतुर् इति

niṣasāda dhṛtavrato varuṇaḥ pastyāsv ā sāmrājyāya bhaujyāya svārājyāya vairājyāya pārameṣṭhyāya rājyāya māhārājyāyādhipatyāya svāvaśyāyātiṣṭhāya sukratur iti

8.13.2

तम् एतस्याम् आसन्द्याम् आसीनम् प्रजापतिः पुरस्तात् तिष्ठन् प्रत्यङ्मुख औदुम्बर्यार्द्रया शाखया सपलाशया जातरूपमयेन च पवित्रेणान्तर्धायाभ्यषिञ्चद् इमा आपः शिवतमा इत्य् एतेन तृचेन देवस्य त्वेति च यजुषा भूर् भुवः स्वर् इत्य् एताभिश् च व्याहृतिभिः

tam etasyām āsandyām āsīnam prajāpatiḥ purastāt tiṣṭhan pratyaṅmukha audumbaryārdrayā śākhayā sapalāśayā jātarūpamayena ca pavitreṇāntardhāyābhyaṣiñcad imā āpaḥ śivatamā ity etena tṛcena devasya tveti ca yajuṣā bhūr bhuvaḥ svar ity etābhiś ca vyāhṛtibhiḥ

Aitareyabrāhmaṇa