8.4.6

तस्य चतुर्विंशतिः स्तुतशस्त्राणि भवन्ति चतुर्विंशत्यर्धमासो वै संवत्सरः संवत्सरे कृत्स्नम् अन्नाद्यं कृत्स्न एवैनं तद् अन्नाद्ये प्रतिष्ठापयति तस्माज् ज्योतिष्टोम एवाग्निष्टोमः स्याद् अग्निष्टोमः स्यात्

tasya caturviṃśatiḥ stutaśastrāṇi bhavanti caturviṃśatyardhamāso vai saṃvatsaraḥ saṃvatsare kṛtsnam annādyaṃ kṛtsna evainaṃ tad annādye pratiṣṭhāpayati tasmāj jyotiṣṭoma evāgniṣṭomaḥ syād agniṣṭomaḥ syāt

8.5.1

अथातः पुनरभिषेकस्यैव

athātaḥ punarabhiṣekasyaiva

8.5.2

सूयते ह वा अस्य क्षत्रं यो दीक्षते क्षत्रियः सन् स यदावभृथाद् उदेत्यानूबन्ध्ययेष्ट्वोदवस्यत्य् अथैनम् उदवसानीयायां संस्थितायाम् पुनर् अभिषिञ्चन्ति

sūyate ha vā asya kṣatraṃ yo dīkṣate kṣatriyaḥ san sa yadāvabhṛthād udetyānūbandhyayeṣṭvodavasyaty athainam udavasānīyāyāṃ saṃsthitāyām punar abhiṣiñcanti

8.5.3

तस्यैते पुरस्ताद् एव सम्भारा उपक्ﾱप्ता भवन्त्य् औदुम्बर्य् आसन्दी तस्यै प्रादेशमात्राः पादाः स्युर् अरत्निमात्राणि शीर्षण्यानूच्यानि मौञ्जं विवयनं व्याघ्रचर्मास्तरणम् औदुम्बरश् चमस उदुम्बरशाखा तस्मिन्न् एतस्मिंश् चमसे ऽष्टातयानि निषुतानि भवन्ति दधि मधु सर्पिर् आतपवर्ष्या आपः शष्पाणि च तोक्मानि च सुरा दूर्वा

tasyaite purastād eva sambhārā upakﾱptā bhavanty audumbary āsandī tasyai prādeśamātrāḥ pādāḥ syur aratnimātrāṇi śīrṣaṇyānūcyāni mauñjaṃ vivayanaṃ vyāghracarmāstaraṇam audumbaraś camasa udumbaraśākhā tasminn etasmiṃś camase 'ṣṭātayāni niṣutāni bhavanti dadhi madhu sarpir ātapavarṣyā āpaḥ śaṣpāṇi ca tokmāni ca surā dūrvā

8.5.4

तद् यैषा दक्षिणा स्फ्यवर्तनिर् वेदेर् भवति तत्रैताम् प्राचीम् आसन्दीम् प्रतिष्ठापयति तस्या अन्तर्वेदि द्वौ पादौ भवतो बहिर्वेदि द्वाव् इयं वै श्रीस् तस्या एतत् परिमितं रूपं यद् अन्तर्वेद्य् अथैष भूमापरिमितो यो बहिर्वेदि तद् यद् अस्या अन्तर्वेदि द्वौ पादौ भवतो बहिर्वेदि द्वा उभयोः कामयोर् उपाप्त्यै यश् चान्तर्वेदि यश् च बहिर्वेदि

tad yaiṣā dakṣiṇā sphyavartanir veder bhavati tatraitām prācīm āsandīm pratiṣṭhāpayati tasyā antarvedi dvau pādau bhavato bahirvedi dvāv iyaṃ vai śrīs tasyā etat parimitaṃ rūpaṃ yad antarvedy athaiṣa bhūmāparimito yo bahirvedi tad yad asyā antarvedi dvau pādau bhavato bahirvedi dvā ubhayoḥ kāmayor upāptyai yaś cāntarvedi yaś ca bahirvedi

8.6.1

व्याघ्रचर्मणास्तृणात्य् उत्तरलोम्ना प्राचीनग्रीवेण क्षत्रं वा एतद् आरण्यानाम् पशूनां यद् व्याघ्रः क्षत्रं राजन्यः क्षत्रेणैव तत् क्षत्रं समर्धयति

vyāghracarmaṇāstṛṇāty uttaralomnā prācīnagrīveṇa kṣatraṃ vā etad āraṇyānām paśūnāṃ yad vyāghraḥ kṣatraṃ rājanyaḥ kṣatreṇaiva tat kṣatraṃ samardhayati

8.6.2

ताम् पश्चात् प्राङ् उपविश्याच्य जानु दक्षिणम् अभिमन्त्रयत उभाभ्याम् पाणिभ्याम् आलभ्य

tām paścāt prāṅ upaviśyācya jānu dakṣiṇam abhimantrayata ubhābhyām pāṇibhyām ālabhya

8.6.3

अग्निष् ट्वा गायत्र्या सयुक् छन्दसारोहतु सवितोष्णिहा सोमो ऽनुष्टुभा बृहस्पतिर् बृहत्या मित्रावरुणौ पङ्क्त्येन्द्रस् त्रिष्टुभा विश्वे देवा जगत्या तान् अहम् अनु राज्याय साम्राज्याय भौज्याय स्वाराज्याय वैराज्याय पारमेष्ठ्याय राज्याय माहाराज्यायाधिपत्याय स्वावश्यायातिष्ठायारोहामि

agniṣ ṭvā gāyatryā sayuk chandasārohatu savitoṣṇihā somo 'nuṣṭubhā bṛhaspatir bṛhatyā mitrāvaruṇau paṅktyendras triṣṭubhā viśve devā jagatyā tān aham anu rājyāya sāmrājyāya bhaujyāya svārājyāya vairājyāya pārameṣṭhyāya rājyāya māhārājyāyādhipatyāya svāvaśyāyātiṣṭhāyārohāmi

8.6.4

इत्य् एताम् आसन्दीम् आरोहेद् दक्षिणेनाग्रे जानुनाथ सव्येन

ity etām āsandīm ārohed dakṣiṇenāgre jānunātha savyena

8.6.5

तत् तद् इतीṁ

tat tad itīṁ

8.6.6

चतुरुत्तरैर् वै देवाश् छन्दोभिः सयुग् भूत्वैतां श्रियम् आरोहन् यस्याम् एत एतर्हि प्रतिष्ठिता अग्निर् गायत्र्या सवितोष्णिहा सोमो ऽनुष्टुभा बृहस्पतिर् बृहत्या मित्रावरुणौ पङ्क्त्येन्द्रस् त्रिष्टुभा विश्वे देवा जगत्या

caturuttarair vai devāś chandobhiḥ sayug bhūtvaitāṃ śriyam ārohan yasyām eta etarhi pratiṣṭhitā agnir gāyatryā savitoṣṇihā somo 'nuṣṭubhā bṛhaspatir bṛhatyā mitrāvaruṇau paṅktyendras triṣṭubhā viśve devā jagatyā

8.6.7

ते एते अभ्यनूच्येते अग्नेर् गायत्र्य् अभवत् सयुग्वेति

te ete abhyanūcyete agner gāyatry abhavat sayugveti

8.6.8

कल्पते ह वा अस्मै योगक्षेम उत्तरोत्तरिणीं ह श्रियम् अश्नुते ऽश्नुते ह प्रजानाम् ऐश्वर्यम् आधिपत्यं य एवम् एता अनु देवता एताम् आसन्दीम् आरोहति क्षत्रियः सन्

kalpate ha vā asmai yogakṣema uttarottariṇīṃ ha śriyam aśnute 'śnute ha prajānām aiśvaryam ādhipatyaṃ ya evam etā anu devatā etām āsandīm ārohati kṣatriyaḥ san

8.6.9

अथैनम् अभिषेक्ष्यन्न् अपां शान्तिं वाचयति

athainam abhiṣekṣyann apāṃ śāntiṃ vācayati

8.6.10

शिवेन मा चक्षुषा पश्यतापः शिवया तन्वोपस्पृशत त्वचम् मे सर्वाṁ अग्नींर् अप्सुषदो हुवे वो मयि वर्चो बलम् ओजो निधत्तेति

śivena mā cakṣuṣā paśyatāpaḥ śivayā tanvopaspṛśata tvacam me sarvāṁ agnīṃr apsuṣado huve vo mayi varco balam ojo nidhatteti

8.6.11

नैतस्याभिषिषिचानस्याशान्ता आपो वीर्यं निर्हणन्न् इति

naitasyābhiṣiṣicānasyāśāntā āpo vīryaṃ nirhaṇann iti

8.7.1

अथैनम् उदुम्बरशाखाम् अन्तर्धायाभिषिञ्चति

athainam udumbaraśākhām antardhāyābhiṣiñcati

8.7.2

इमा आपः शिवतमा इमाः सर्वस्य भेषजीः इमा राष्ट्रस्य वर्धनीर् इमा राष्ट्रभृतो ऽमृताः

imā āpaḥ śivatamā imāḥ sarvasya bheṣajīḥ imā rāṣṭrasya vardhanīr imā rāṣṭrabhṛto 'mṛtāḥ

8.7.3

याभिर् इन्द्रम् अभ्यषिञ्चत् प्रजापतिः सोमं राजानं वरुणं यमम् मनुम् ताभिर् अद्भिर् अभिषिञ्चामि त्वाम् अहं राज्ञां त्वम् अधिराजो भवेह

yābhir indram abhyaṣiñcat prajāpatiḥ somaṃ rājānaṃ varuṇaṃ yamam manum tābhir adbhir abhiṣiñcāmi tvām ahaṃ rājñāṃ tvam adhirājo bhaveha

8.7.4

महान्तं त्वा महीनां सम्राजं चर्षणीनां देवी जनित्र्य् अजीजनद् भद्रा जनित्र्य् अजीजनत्

mahāntaṃ tvā mahīnāṃ samrājaṃ carṣaṇīnāṃ devī janitry ajījanad bhadrā janitry ajījanat

Aitareyabrāhmaṇa