7.2.10

अभिवान्य वत्सायाः पयसा जुहुयात्

abhivānya vatsāyāḥ payasā juhuyāt

7.2.11

अन्यत् इव एतत् पयः यत् अभिवान्य वत्सायाः

anyat iva etat payaḥ yat abhivānya vatsāyāḥ

7.2.12

अन्यत् इव एतत् अग्निहोत्रम् यत् प्रेतस्य

anyat iva etat agnihotram yat pretasya

7.2.13

अपि वा यतस् एव कुतस् च पयसा जुहुयुः

api vā yatas eva kutas ca payasā juhuyuḥ

7.2.14

अथ अपि आहुः एवम् एव एनान् अजस्रान् अ जुह्वतः इन्धीरन् आ शरीराणाम् आहर्तोः इति

atha api āhuḥ evam eva enān ajasrān a juhvataḥ indhīran ā śarīrāṇām āhartoḥ iti

7.2.15

यदि शरीराणि न विद्येरन् पर्ण शरः षष्टिम् त्रीणि च शतानि आहृत्य तेषाम् पुरुष रूपकम् इव कृत्वा तस्मिन् ताम् आवृतम् कुर्युः

yadi śarīrāṇi na vidyeran parṇa śaraḥ ṣaṣṭim trīṇi ca śatāni āhṛtya teṣām puruṣa rūpakam iva kṛtvā tasmin tām āvṛtam kuryuḥ

7.2.16

अथ एनान् शरीरैः आहृतैः संस्पर्श्य उद्वासयेयुः

atha enān śarīraiḥ āhṛtaiḥ saṃsparśya udvāsayeyuḥ

7.2.17

अध्यर्ध शतम् काये सक्थिनी द्वि पञ्चाशे च विंशे च ऊरू द्वि पञ्चविंशे शेषम् तु शिरसि उपरि दध्यात्

adhyardha śatam kāye sakthinī dvi pañcāśe ca viṃśe ca ūrū dvi pañcaviṃśe śeṣam tu śirasi upari dadhyāt

7.2.18

सा तत्र प्रायश्चित्तिः

sā tatra prāyaścittiḥ

7.3.1

तद् आहुर् यस्याग्निहोत्र्य् उपावसृष्टा दुह्यमानोपविशेत् का तत्र प्रायश्चित्तिर् इति ताम् अभिमन्त्रयेत

tad āhur yasyāgnihotry upāvasṛṣṭā duhyamānopaviśet kā tatra prāyaścittir iti tām abhimantrayeta

7.3.2

यस्माद् भीषा निषीदसि ततो नो अभयं कृधि पशून् नः सर्वान् गोपाय नमो रुद्राय मीﾱहुष इति ताम् उत्थापयेद् उदस्थाद् देव्य् अदितिर् आयुर् यज्ञपताव् अधात् इन्द्राय कृण्वती भागम् मित्राय वरुणाय चेत्य् अथास्या उदपात्रम् ऊधसि च मुखे चोपगृह्णीयाद् अथैनाम् ब्राह्मणाय दद्यात् सा तत्र प्रायश्चित्तिः

yasmād bhīṣā niṣīdasi tato no abhayaṃ kṛdhi paśūn naḥ sarvān gopāya namo rudrāya mīﾱhuṣa iti tām utthāpayed udasthād devy aditir āyur yajñapatāv adhāt indrāya kṛṇvatī bhāgam mitrāya varuṇāya cety athāsyā udapātram ūdhasi ca mukhe copagṛhṇīyād athainām brāhmaṇāya dadyāt sā tatra prāyaścittiḥ

7.3.3

तद् आहुर् यस्याग्निहोत्र्य् उपावसृष्टा दुह्यमाना वाश्येत का तत्र प्रायश्चित्तिर् इत्य् अशनायां ह वा एषा यजमानस्य प्रतिख्याय वाश्यते ताम् अन्नम् अप्य् आदयेच् छान्त्यै शान्तिर् वा अन्नं सूयवसाद् भगवती हि भूया इति सा तत्र प्रायश्चित्तिः

tad āhur yasyāgnihotry upāvasṛṣṭā duhyamānā vāśyeta kā tatra prāyaścittir ity aśanāyāṃ ha vā eṣā yajamānasya pratikhyāya vāśyate tām annam apy ādayec chāntyai śāntir vā annaṃ sūyavasād bhagavatī hi bhūyā iti sā tatra prāyaścittiḥ

7.3.4

तद् आहुर् यस्याग्निहोत्र्य् उपावसृष्टा दुह्यमाना स्यन्देत का तत्र प्रायश्चित्तिर् इति सा यत् तत्र स्कन्दयेत् तद् अभिमृश्य जपेद् यद् अद्य दुग्धम् पृथिवीम् असृप्त यद् ओषधीर् अत्यसृपद् यद् आपः पयो गृहेषु पयो अघ्न्यायाम् पयो वत्सेषु पयो अस्तु तन् मयीति तत्र यत् परिशिष्टं स्यात् तेन जुहुयाद् यद्य् अलं होमाय स्याद् यद्य् उ वै सर्वं सिक्तं स्याद् अथान्याम् आहूय तां दुग्ध्वा तेन जुहुयाद् आ त्व् एव श्रद्धायै होतव्यं सा तत्र प्रायश्चित्तिः

tad āhur yasyāgnihotry upāvasṛṣṭā duhyamānā syandeta kā tatra prāyaścittir iti sā yat tatra skandayet tad abhimṛśya japed yad adya dugdham pṛthivīm asṛpta yad oṣadhīr atyasṛpad yad āpaḥ payo gṛheṣu payo aghnyāyām payo vatseṣu payo astu tan mayīti tatra yat pariśiṣṭaṃ syāt tena juhuyād yady alaṃ homāya syād yady u vai sarvaṃ siktaṃ syād athānyām āhūya tāṃ dugdhvā tena juhuyād ā tv eva śraddhāyai hotavyaṃ sā tatra prāyaścittiḥ

7.4.1

तत् आहुः यस्य सायंदुग्धम् सांनाय्यम् दुष्येत् वा अपहरेत् वा का तत्र प्रायश्चित्तिः इति

tat āhuḥ yasya sāyaṃdugdham sāṃnāyyam duṣyet vā apaharet vā kā tatra prāyaścittiḥ iti

7.4.2

प्रातर्दुग्धम् द्वैधम् कृत्वा तस्य अन्यतराम् भक्तिम् आतच्य तेन यजेत

prātardugdham dvaidham kṛtvā tasya anyatarām bhaktim ātacya tena yajeta

7.4.3

सा तत्र प्रायश्चित्तिः

sā tatra prāyaścittiḥ

7.4.4

तत् आहुः यस्य प्रातर्दुग्धम् सांनाय्यम् दुष्येत् वा अपहरेत् वा का तत्र प्रायश्चित्तिः इति

tat āhuḥ yasya prātardugdham sāṃnāyyam duṣyet vā apaharet vā kā tatra prāyaścittiḥ iti

7.4.5

ऐन्द्रम् वा माहेन्द्रम् वा पुरोﾱआशम् तस्य स्थाने निरुप्य तेन यजेत

aindram vā māhendram vā puroﾱāśam tasya sthāne nirupya tena yajeta

7.4.6

सा तत्र प्रायश्चित्तिः

sā tatra prāyaścittiḥ

7.4.7

तत् आहुः यस्य सर्वम् एव सांनाय्यम् दुष्येत् वा अपहरेत् वा का तत्र प्रायश्चित्तिः इति

tat āhuḥ yasya sarvam eva sāṃnāyyam duṣyet vā apaharet vā kā tatra prāyaścittiḥ iti

Aitareyabrāhmaṇa