6.36.5

आहनस्याद् वै रेतः सिच्यते रेतसः प्रजाः प्रजायन्ते प्रजातिम् एव तद् दधाति

āhanasyād vai retaḥ sicyate retasaḥ prajāḥ prajāyante prajātim eva tad dadhāti

6.36.6

ता दश शंसति दशाक्षरा विराﾱ अन्नं विराﾱ अन्नाद् रेतः सिच्यते रेतसः प्रजाः प्रजायन्ते प्रजातिम् एव तद् दधाति

tā daśa śaṃsati daśākṣarā virāﾱ annaṃ virāﾱ annād retaḥ sicyate retasaḥ prajāḥ prajāyante prajātim eva tad dadhāti

6.36.7

ता न्यूङ्खयत्य् अन्नं वै न्यूङ्खो ऽन्नाद् रेतः सिच्यते रेतसः प्रजाः प्रजायन्ते प्रजातिम् एव तद् दधाति

tā nyūṅkhayaty annaṃ vai nyūṅkho 'nnād retaḥ sicyate retasaḥ prajāḥ prajāyante prajātim eva tad dadhāti

6.36.8

दधिक्राव्णो अकारिषम् इति दाधिक्रीं शंसति देवपवित्रं वै दधिक्रा इदं वा इदं व्याहनस्यां वाचम् अवादीत् तद् देवपवित्रेण वाचम् पुनीते

dadhikrāvṇo akāriṣam iti dādhikrīṃ śaṃsati devapavitraṃ vai dadhikrā idaṃ vā idaṃ vyāhanasyāṃ vācam avādīt tad devapavitreṇa vācam punīte

6.36.9

सानुष्टुब् भवति वाग् वा अनुष्टुप् तत् स्वेन छन्दसा वाचम् पुनीते

sānuṣṭub bhavati vāg vā anuṣṭup tat svena chandasā vācam punīte

6.36.10

सुतासो मधुमत्तमा इति पावमानीः शंसति

sutāso madhumattamā iti pāvamānīḥ śaṃsati

6.36.11

देवपवित्रं वै पावमान्य इदं वा इदं व्याहनस्यां वाचम् अवादीत् तद् देवपवित्रेणैव वाचम् पुनीते ता अनुष्टुभो भवन्ति वाग् वा अनुष्टुप् तत् स्वेनैव छन्दसा वाचम् पुनीते

devapavitraṃ vai pāvamānya idaṃ vā idaṃ vyāhanasyāṃ vācam avādīt tad devapavitreṇaiva vācam punīte tā anuṣṭubho bhavanti vāg vā anuṣṭup tat svenaiva chandasā vācam punīte

6.36.12

अव द्रप्सो अंशुमतीम् अतिष्ठद् इत्य् ऐन्द्राबार्हस्पत्यं तृचं शंसति

ava drapso aṃśumatīm atiṣṭhad ity aindrābārhaspatyaṃ tṛcaṃ śaṃsati

6.36.13

विशो अदेवीर् अभ्य् आचरन्तीर् बृहस्पतिना युजेन्द्रः ससाह इति

viśo adevīr abhy ācarantīr bṛhaspatinā yujendraḥ sasāha iti

6.36.14

असुरविशं ह वै देवान् अभ्य् उदाचार्य आसीत् स इन्द्रो बृहस्पतिनैव युजासुर्यं वर्णम् अभिदासन्तम् अपाहंस् तथैवैतद् यजमाना इन्द्राबृहस्पतिभ्याम् एव युजासुर्यं वर्णम् अभिदासन्तम् अपघ्नते

asuraviśaṃ ha vai devān abhy udācārya āsīt sa indro bṛhaspatinaiva yujāsuryaṃ varṇam abhidāsantam apāhaṃs tathaivaitad yajamānā indrābṛhaspatibhyām eva yujāsuryaṃ varṇam abhidāsantam apaghnate

6.36.15

तद् आहुः संशंसेत् षष्ठे ऽहान् न संशंसैत् इति संशंसेद् इत्य् आहुः कथम् अन्येष्व् अहस्सु संशंसति कथम् अत्र न संशंसेद् इत्य् अथो खल्व् आहुर् नैव संशंसेत् स्वर्गो वै लोकः षष्ठम् अहर् असमायी वै स्वर्गो लोकः कश्चिद् वै स्वर्गे लोके समेतीति स यत् संशंसेत् समानं तत् कुर्याद् अथ यन् न संशंसतीṁ तत् स्वर्गस्य लोकस्य रूपं तस्मान् न संशंसेद् यद् एव न संशंसतीṁ

tad āhuḥ saṃśaṃset ṣaṣṭhe 'hān na saṃśaṃsait iti saṃśaṃsed ity āhuḥ katham anyeṣv ahassu saṃśaṃsati katham atra na saṃśaṃsed ity atho khalv āhur naiva saṃśaṃset svargo vai lokaḥ ṣaṣṭham ahar asamāyī vai svargo lokaḥ kaścid vai svarge loke sametīti sa yat saṃśaṃset samānaṃ tat kuryād atha yan na saṃśaṃsatīṁ tat svargasya lokasya rūpaṃ tasmān na saṃśaṃsed yad eva na saṃśaṃsatīṁ

6.36.16

एतानि वा अत्रोक्थानि नाभानेदिष्ठो वालखिल्या वृषाकपिर् एवयामरुत् स यत् संशंसेद् अपैव स एतेषु कामं राध्नुयात्

etāni vā atrokthāni nābhānediṣṭho vālakhilyā vṛṣākapir evayāmarut sa yat saṃśaṃsed apaiva sa eteṣu kāmaṃ rādhnuyāt

6.36.17

ऐन्द्रो वृषाकपिः सर्वाणि छन्दांस्य् ऐतशप्रलापस् तत्र स काम उपाप्तो य ऐन्द्रे जागते ऽथेदम् ऐन्द्राबार्हस्पत्यं सूक्तम् ऐन्द्राबार्हस्पत्या परिधानीया तस्मान् न संशंसेन् न संशंसेत्

aindro vṛṣākapiḥ sarvāṇi chandāṃsy aitaśapralāpas tatra sa kāma upāpto ya aindre jāgate 'thedam aindrābārhaspatyaṃ sūktam aindrābārhaspatyā paridhānīyā tasmān na saṃśaṃsen na saṃśaṃset

7.1.1

अथ अतस् पशोः विभक्तिः

atha atas paśoḥ vibhaktiḥ

7.1.2

तस्य विभागम् वक्ष्यामः

tasya vibhāgam vakṣyāmaḥ

7.1.3

हनू स जिह्वे प्रस्तोतुः

hanū sa jihve prastotuḥ

7.1.4

श्येनम् वक्षः उद्गातुः

śyenam vakṣaḥ udgātuḥ

7.1.5

कण्ठः काकुद्रः प्रतिहर्तुः

kaṇṭhaḥ kākudraḥ pratihartuḥ

7.1.6

दक्षिणा श्रोणिः होतुः सव्या ब्रह्मणः

dakṣiṇā śroṇiḥ hotuḥ savyā brahmaṇaḥ

7.1.7

दक्षिणम् सक्थि मैत्रावरुणस्य सव्यम् ब्राह्मणाच्छंसिनः

dakṣiṇam sakthi maitrāvaruṇasya savyam brāhmaṇācchaṃsinaḥ

Aitareyabrāhmaṇa