5.22.2

यथा वै नासिके एवम् पृष्ठ्यः षﾱअहस् तद् यथान्तरम् नासिकयोर् एवं छन्दोमा अथ येनैव गन्धान् विजानाति तद् दशमम् अहः

yathā vai nāsike evam pṛṣṭhyaḥ ṣaﾱahas tad yathāntaram nāsikayor evaṃ chandomā atha yenaiva gandhān vijānāti tad daśamam ahaḥ

5.22.3

यथा वा अक्ष्य् एवम् पृष्ठ्यः षﾱअहस् तद् यथान्तरम् अक्ष्णः कृष्णम् एवं छन्दोमा अथ यैव कनीनिका येन पश्यति तद् दशमम् अहः

yathā vā akṣy evam pṛṣṭhyaḥ ṣaﾱahas tad yathāntaram akṣṇaḥ kṛṣṇam evaṃ chandomā atha yaiva kanīnikā yena paśyati tad daśamam ahaḥ

5.22.4

यथा वै कर्ण एवम् पृष्ठ्यः षﾱअहस् तद् यथान्तरं कर्णस्यैवं छन्दोमा अथ येनैव शृणोति तद् दशमम् अहः

yathā vai karṇa evam pṛṣṭhyaḥ ṣaﾱahas tad yathāntaraṃ karṇasyaivaṃ chandomā atha yenaiva śṛṇoti tad daśamam ahaḥ

5.22.5

श्रीर् वै दशमम् अहः श्रियं वा एत आगच्छन्ति ये दशमम् अहर् आगच्छन्ति तस्माद् दशमम् अहर् अविवाक्यम् भवति मा श्रियो ऽववादिष्मेति दुरववदं हि श्रेयसः

śrīr vai daśamam ahaḥ śriyaṃ vā eta āgacchanti ye daśamam ahar āgacchanti tasmād daśamam ahar avivākyam bhavati mā śriyo 'vavādiṣmeti duravavadaṃ hi śreyasaḥ

5.22.6

ते ततः सर्पन्ति

te tataḥ sarpanti

5.22.7

ते मार्जयन्ते

te mārjayante

5.22.8

ते पत्नीशालां सम्प्रपद्यन्ते

te patnīśālāṃ samprapadyante

5.22.9

तेषां य एताम् आहुतिं विद्यात् स ब्रूयात् समन्वारभध्वम् इति स जुहुयात्

teṣāṃ ya etām āhutiṃ vidyāt sa brūyāt samanvārabhadhvam iti sa juhuyāt

5.22.10

इह रमेह रमध्वम् इह धृतिर् इह स्वधृतिर् अग्ने वाट् स्वाहा वाﾱ इति

iha rameha ramadhvam iha dhṛtir iha svadhṛtir agne vāṭ svāhā vāﾱ iti

5.22.11

स यद् इह रमेत्य् आहास्मिन्न् एवैनांस् तल् लोके रमयतीह रमध्वम् इति यद् आह प्रजाम् एवैषु तद् रमयतीह धृतिर् इह स्वधृतिर् इति यद् आह प्रजां चैव तद् वाचं च यजमानेषु दधात्य् अग्ने वाﾱ इति रथंतरम् स्वाहा वाﾱ इति बृहत्

sa yad iha ramety āhāsminn evaināṃs tal loke ramayatīha ramadhvam iti yad āha prajām evaiṣu tad ramayatīha dhṛtir iha svadhṛtir iti yad āha prajāṃ caiva tad vācaṃ ca yajamāneṣu dadhāty agne vāﾱ iti rathaṃtaram svāhā vāﾱ iti bṛhat

5.22.12

देवानां वा एतन् मिथुनं यद् बृहद्रथंतरे देवानाम् एव तन् मिथुनेन मिथुनम् अवरुन्धते देवानाम् मिथुनेन मिथुनम् प्रजायन्ते प्रजात्यै

devānāṃ vā etan mithunaṃ yad bṛhadrathaṃtare devānām eva tan mithunena mithunam avarundhate devānām mithunena mithunam prajāyante prajātyai

5.22.13

प्रजायते प्रजया पशुभिर् य एवं वेद

prajāyate prajayā paśubhir ya evaṃ veda

5.22.14

ते ततः सर्पन्ति ते मार्जयन्ते त आग्नीध्रं सम्प्रपद्यन्ते तेषां य एताम् आहुतिं विद्यात् स ब्रूयात् समन्वारभध्वम् इति स जुहुयात्

te tataḥ sarpanti te mārjayante ta āgnīdhraṃ samprapadyante teṣāṃ ya etām āhutiṃ vidyāt sa brūyāt samanvārabhadhvam iti sa juhuyāt

5.22.15

उपसृजन् धरुणम् मातरं धरुणो धयन् रायस् पोषम् इषम् ऊर्जम् अस्मासु दीधरत् स्वाहेति

upasṛjan dharuṇam mātaraṃ dharuṇo dhayan rāyas poṣam iṣam ūrjam asmāsu dīdharat svāheti

5.22.16

रायस् पोषम् इषम् ऊर्जम् अवरुन्द्ध आत्मने च यजमानेभ्यश् च यत्रैवं विद्वान् एताम् आहुतिं जुहोति

rāyas poṣam iṣam ūrjam avarunddha ātmane ca yajamānebhyaś ca yatraivaṃ vidvān etām āhutiṃ juhoti

5.23.1

ते ततः सर्पन्ति ते सदः सम्प्रपद्यन्ते यथायथम् अन्य ऋत्विजो व्युत्सर्पन्ति संसर्पन्त्य् उद्गातारस् ते सर्पराज्ञ्या ऋक्षु स्तुवते

te tataḥ sarpanti te sadaḥ samprapadyante yathāyatham anya ṛtvijo vyutsarpanti saṃsarpanty udgātāras te sarparājñyā ṛkṣu stuvate

5.23.2

इयं वै सर्पराज्ञीयं हि सर्पतो राज्ञीयं वा अलोमिकेवाग्र आसीत् सैतम् मन्त्रम् अपश्यद् आयं गौः पृश्निर् अक्रमीद् इति ताम् अयम् पृश्निर् वर्ण आविशन् नानारूपो यं यं कामम् अकामयत यद् इदं किंचौषधयो वनस्पतयः सर्वाणि रूपाणि

iyaṃ vai sarparājñīyaṃ hi sarpato rājñīyaṃ vā alomikevāgra āsīt saitam mantram apaśyad āyaṃ gauḥ pṛśnir akramīd iti tām ayam pṛśnir varṇa āviśan nānārūpo yaṃ yaṃ kāmam akāmayata yad idaṃ kiṃcauṣadhayo vanaspatayaḥ sarvāṇi rūpāṇi

5.23.3

पृश्निर् एनं वर्ण आविशति नानारूपो यं यं कामं कामयते य एवं वेद

pṛśnir enaṃ varṇa āviśati nānārūpo yaṃ yaṃ kāmaṃ kāmayate ya evaṃ veda

5.23.4

मनसा प्रस्तौति मनसोद्गायति मनसा प्रतिहरति वाचा शंसति

manasā prastauti manasodgāyati manasā pratiharati vācā śaṃsati

5.23.5

वाक् च वै मनश् च देवानाम् मिथुनं देवानाम् एव तन् मिथुनेन मिथुनम् अवरुन्धते देवानाम् मिथुनेन मिथुनम् प्रजायन्ते प्रजात्यै प्रजायते प्रजया पशुभिर् य एवं वेद

vāk ca vai manaś ca devānām mithunaṃ devānām eva tan mithunena mithunam avarundhate devānām mithunena mithunam prajāyante prajātyai prajāyate prajayā paśubhir ya evaṃ veda

Aitareyabrāhmaṇa