5.21.3

आ सत्यो यातु मघवाṁ ऋजीषीति सूक्तं सत्यवन् नवमे ऽहनि नवमस्याह्नो रूपम्

ā satyo yātu maghavāṁ ṛjīṣīti sūktaṃ satyavan navame 'hani navamasyāhno rūpam

5.21.4

तत् त इन्द्रियम् परमम् पराचैर् इति सूक्तम् अन्तो वै परमम् अन्तो नवमम् अहर् नवमे ऽहनि नवमस्याह्नो रूपम्

tat ta indriyam paramam parācair iti sūktam anto vai paramam anto navamam ahar navame 'hani navamasyāhno rūpam

5.21.5

तद् उ त्रैष्टुभम् तेन प्रतिष्ठितपदेन सवनं दाधारायतनाद् एवैतेन न प्रच्यवते

tad u traiṣṭubham tena pratiṣṭhitapadena savanaṃ dādhārāyatanād evaitena na pracyavate

5.21.6

अहम् भुवं वसुनः पूर्व्यस् पतिर् इति सूक्तम् अहं धनानि संजयामि शश्वत इत्य् अन्तो वै जितम् अन्तो नवमम् अहर् नवमे ऽहनि नवमस्याह्नो रूपम्

aham bhuvaṃ vasunaḥ pūrvyas patir iti sūktam ahaṃ dhanāni saṃjayāmi śaśvata ity anto vai jitam anto navamam ahar navame 'hani navamasyāhno rūpam

5.21.7

तद् उ जागतं जगत्यो वा एतस्य त्र्यहस्य मध्यंदिनं वहन्ति तद् वै तच् छन्दो वहति यस्मिन् निविद् धीयते तस्माज्जगतीषु निविदं दधाति

tad u jāgataṃ jagatyo vā etasya tryahasya madhyaṃdinaṃ vahanti tad vai tac chando vahati yasmin nivid dhīyate tasmājjagatīṣu nividaṃ dadhāti

5.21.8

मिथुनानि सूक्तानि शस्यन्ते त्रैष्टुभानि च जागतानि च मिथुनं वै पशवः पशवश् छन्दोमाः पशूनाम् अवरुद्ध्यै पञ्च पञ्च सूक्तानि शस्यन्ते पञ्चपदा पङ्क्तिः पाङ्क्तो यज्ञः पाङ्क्ताः पशवः पशवश् छन्दोमाः पशूनाम् अवरुद्ध्यै तानि द्वेधा पञ्चान्यानि पञ्चान्यानि दश सम्पद्यन्ते सा दशिनी विराﾱ अन्नम् विराﾱ अन्नं पशवः पशवश् छन्दोमाः पशूनाम् अवरुद्ध्यै

mithunāni sūktāni śasyante traiṣṭubhāni ca jāgatāni ca mithunaṃ vai paśavaḥ paśavaś chandomāḥ paśūnām avaruddhyai pañca pañca sūktāni śasyante pañcapadā paṅktiḥ pāṅkto yajñaḥ pāṅktāḥ paśavaḥ paśavaś chandomāḥ paśūnām avaruddhyai tāni dvedhā pañcānyāni pañcānyāni daśa sampadyante sā daśinī virāﾱ annam virāﾱ annaṃ paśavaḥ paśavaś chandomāḥ paśūnām avaruddhyai

5.21.9

तत् सवितुर् वृणीमहे ऽद्या नो देव सवितर् इति वैश्वदेवस्य प्रतिपदनुचरौ राथंतरे ऽहनि नवमे ऽहनि नवमस्याह्नो रूपम्

tat savitur vṛṇīmahe 'dyā no deva savitar iti vaiśvadevasya pratipadanucarau rāthaṃtare 'hani navame 'hani navamasyāhno rūpam

5.21.10

दोषो आगाद् इति सावित्रम् अन्तो वै गतम् अन्तो नवमम् अहर् नवमे ऽहनि नवमस्याह्नो रूपम्

doṣo āgād iti sāvitram anto vai gatam anto navamam ahar navame 'hani navamasyāhno rūpam

5.21.11

प्र वाम् महि द्यवी अभीति द्यावापृथिवीयं शुची उप प्रशस्तय इति शुचिवन् नवमे ऽहनि नवमस्याह्नो रूपम्

pra vām mahi dyavī abhīti dyāvāpṛthivīyaṃ śucī upa praśastaya iti śucivan navame 'hani navamasyāhno rūpam

5.21.12

इन्द्र इषे ददातु नस् ते नो रत्नानि धत्तनेत्य् आर्भवं त्रिर् आ साप्तानि सुन्वत इति त्रिवन् नवमे ऽहनि नवमस्याह्नो रूपम्

indra iṣe dadātu nas te no ratnāni dhattanety ārbhavaṃ trir ā sāptāni sunvata iti trivan navame 'hani navamasyāhno rūpam

5.21.13

बभ्रुर् एको विषुणः सूनरो युवेति द्विपदाः शंसति द्विपाद् वै पुरुषश् चतुष्पादाः पशवः पशवश् छन्दोमाः पशूनाम् अवरुद्ध्यै तद् यद् द्विपदाः शंसति यजमानम् एव तद् द्विप्रतिष्ठं चतुष्पात्सु पशुषु प्रतिष्ठापयति

babhrur eko viṣuṇaḥ sūnaro yuveti dvipadāḥ śaṃsati dvipād vai puruṣaś catuṣpādāḥ paśavaḥ paśavaś chandomāḥ paśūnām avaruddhyai tad yad dvipadāḥ śaṃsati yajamānam eva tad dvipratiṣṭhaṃ catuṣpātsu paśuṣu pratiṣṭhāpayati

5.21.14

ये त्रिंशति त्रयस् पर इति वैश्वदेवं त्रिवन् नवमे ऽहनि नवमस्याह्नो रूपम्

ye triṃśati trayas para iti vaiśvadevaṃ trivan navame 'hani navamasyāhno rūpam

5.21.15

तान्य् उ गायत्राणि गायत्रतृतीयसवन एष त्र्यहः

tāny u gāyatrāṇi gāyatratṛtīyasavana eṣa tryahaḥ

5.21.16

वैश्वानरो न ऊतय इत्य् आग्निमारुतस्य प्रतिपद् आ प्र यातु परावत इत्य् अन्तो वै परावतो ऽन्तो नवमम् अहर् नवमे ऽहनि नवमस्याह्नो रूपम्

vaiśvānaro na ūtaya ity āgnimārutasya pratipad ā pra yātu parāvata ity anto vai parāvato 'nto navamam ahar navame 'hani navamasyāhno rūpam

5.21.17

मरुतो यस्य हि क्षय इति मारुतं क्षेतिवद् अन्तरूपं क्षेतीव वा अन्तं गत्वा नवमे ऽहनि नवमस्याह्नो रूपम्

maruto yasya hi kṣaya iti mārutaṃ kṣetivad antarūpaṃ kṣetīva vā antaṃ gatvā navame 'hani navamasyāhno rūpam

5.21.18

जातवेदसे सुनवाम सोमम् इति जातवेदस्याच्युता

jātavedase sunavāma somam iti jātavedasyācyutā

5.21.19

प्राग्नये वाचम् ईरयेति जातवेदस्यं समानोदर्कं नवमे ऽहनि नवमस्याह्नो रूपम्

prāgnaye vācam īrayeti jātavedasyaṃ samānodarkaṃ navame 'hani navamasyāhno rūpam

5.21.20

स नः पर्षद् अति द्विषः स नः पर्षद् अति द्विष इति शंसति बहु वा एतस्मिन् नवरात्रे किंच किंच वारणं क्रियते शान्त्या एव तद् यत् स नः पर्षद् अति द्विषः स नः पर्षद् अति द्विष इति शंसति सर्वस्माद् एवैनांस् तद् एनसः प्रमुञ्चति

sa naḥ parṣad ati dviṣaḥ sa naḥ parṣad ati dviṣa iti śaṃsati bahu vā etasmin navarātre kiṃca kiṃca vāraṇaṃ kriyate śāntyā eva tad yat sa naḥ parṣad ati dviṣaḥ sa naḥ parṣad ati dviṣa iti śaṃsati sarvasmād evaināṃs tad enasaḥ pramuñcati

5.21.21

तान्य् उ गायत्राणि गायत्रतृतीयसवन एष त्र्यहः

tāny u gāyatrāṇi gāyatratṛtīyasavana eṣa tryahaḥ

5.22.1

पृष्ठ्यं षﾱअहम् उपयन्ति यथा वै मुखम् एवम् पृष्ठ्यः षﾱअहस् तद् यथान्तरम् मुखस्य जिह्वा तालु दन्ता एवं छन्दोमा अथ येनैव वाचं व्याकरोति येन स्वादु चास्वादु च विजानाति तद् दशमम् अहः

pṛṣṭhyaṃ ṣaﾱaham upayanti yathā vai mukham evam pṛṣṭhyaḥ ṣaﾱahas tad yathāntaram mukhasya jihvā tālu dantā evaṃ chandomā atha yenaiva vācaṃ vyākaroti yena svādu cāsvādu ca vijānāti tad daśamam ahaḥ

Aitareyabrāhmaṇa