5.19.3

दिवश् चिद् अस्य वरिमा वि पप्रथ इति सूक्तम् इन्द्रं न मह्नेति महद्वद् अष्टमे ऽहनि अष्टमस्याह्नो रूपम्

divaś cid asya varimā vi papratha iti sūktam indraṃ na mahneti mahadvad aṣṭame 'hani aṣṭamasyāhno rūpam

5.19.4

तद् उ जागतं जगत्यो वा एतस्य त्र्यहस्य मध्यंदिनं वहन्ति तद् वै तच्छन्दो वहति यस्मिन् निविद्धीयते तस्माज्जगतीषु निविदं दधाति

tad u jāgataṃ jagatyo vā etasya tryahasya madhyaṃdinaṃ vahanti tad vai tacchando vahati yasmin nividdhīyate tasmājjagatīṣu nividaṃ dadhāti

5.19.5

मिथुनानि सूक्तानि शस्यन्ते त्रैष्टुभानि च जागतानि च मिथुनं वै पशवः पशवश् छन्दोमाः पशूनाम् अवरुद्ध्यै

mithunāni sūktāni śasyante traiṣṭubhāni ca jāgatāni ca mithunaṃ vai paśavaḥ paśavaś chandomāḥ paśūnām avaruddhyai

5.19.6

महद्वन्ति सूक्तानि शस्यन्ते महद् वा अन्तरिक्षम् अन्तरिक्षस्याप्त्यै पञ्च पञ्च सूक्तानि शस्यन्ते पञ्चपदा पङ्क्तिः पाङ्क्तो यज्ञः पाङ्क्ताः पशवः पशवश् छन्दोमाः पशूनाम् अवरुद्ध्यै

mahadvanti sūktāni śasyante mahad vā antarikṣam antarikṣasyāptyai pañca pañca sūktāni śasyante pañcapadā paṅktiḥ pāṅkto yajñaḥ pāṅktāḥ paśavaḥ paśavaś chandomāḥ paśūnām avaruddhyai

5.19.7

तानि द्वेधा पञ्चान्यानि पञ्चान्यानि दश सम्पद्यन्ते सा दशिनी विराﾱ अन्नम् विराﾱ अन्नम् पशवः पशवश् छन्दोमाः पशूनाम् अवरुद्ध्यै

tāni dvedhā pañcānyāni pañcānyāni daśa sampadyante sā daśinī virāﾱ annam virāﾱ annam paśavaḥ paśavaś chandomāḥ paśūnām avaruddhyai

5.19.8

विश्वो देवस्य नेतुस् तत् सवितुर् वरेण्यम् आ विश्वदेवं सत्पतिम् इति वैश्वदेवस्य प्रतिपदनुचरौ बार्हते ऽहनि अष्टमे ऽहनि अष्टमस्याह्नो रूपम्

viśvo devasya netus tat savitur vareṇyam ā viśvadevaṃ satpatim iti vaiśvadevasya pratipadanucarau bārhate 'hani aṣṭame 'hani aṣṭamasyāhno rūpam

5.19.9

हिरण्यपाणिम् ऊतय इति सावित्रम् ऊर्ध्ववद् अष्टमे ऽहन्य् अष्टमस्याह्नो रूपम्

hiraṇyapāṇim ūtaya iti sāvitram ūrdhvavad aṣṭame 'hany aṣṭamasyāhno rūpam

5.19.10

मही द्यौः पृथिवी च न इति द्यावापृथिवीयम् महद्वद् अष्टमे ऽहनि अष्टमस्याह्नो रूपम्

mahī dyauḥ pṛthivī ca na iti dyāvāpṛthivīyam mahadvad aṣṭame 'hani aṣṭamasyāhno rūpam

5.19.11

युवाना पितरा पुनर् इत्य् आर्भवम् पुनर्वद् अष्टमे ऽहनि अष्टमस्याह्नो रूपम्

yuvānā pitarā punar ity ārbhavam punarvad aṣṭame 'hani aṣṭamasyāhno rūpam

5.19.12

इमा नु कम् भुवना सीषधामेति द्विपदाः शंसति द्विपाद् वै पुरुषश् चतुष्पादाः पशवः पशवश्छन्दोमाः पशूनाम् अवरुद्ध्यै तद् यद् द्विपदाः शंसति यजमानम् एव तद् द्विप्रतिष्ठं चतुष्पात्सु पशुषु प्रतिष्ठापयति

imā nu kam bhuvanā sīṣadhāmeti dvipadāḥ śaṃsati dvipād vai puruṣaś catuṣpādāḥ paśavaḥ paśavaśchandomāḥ paśūnām avaruddhyai tad yad dvipadāḥ śaṃsati yajamānam eva tad dvipratiṣṭhaṃ catuṣpātsu paśuṣu pratiṣṭhāpayati

5.19.13

देवानाम् इद् अवो महद् इति वैश्वदेवम् महद्वद् अष्टमे ऽहन्य् अष्टमस्याह्नो रूपम्

devānām id avo mahad iti vaiśvadevam mahadvad aṣṭame 'hany aṣṭamasyāhno rūpam

5.19.14

तान्य् उ गायत्राणि गायत्रतृतीयसवन एष त्र्यहः

tāny u gāyatrāṇi gāyatratṛtīyasavana eṣa tryahaḥ

5.19.15

ऋतावानं वैश्वानरम् इत्य् आग्निमारुतस्य प्रतिपद् अग्निर् वैश्वानरो महान् इति महद्वद् अष्टमे ऽहन्यष्टमस्याह्नो रूपम्

ṛtāvānaṃ vaiśvānaram ity āgnimārutasya pratipad agnir vaiśvānaro mahān iti mahadvad aṣṭame 'hanyaṣṭamasyāhno rūpam

5.19.16

क्रीﾱअं वः शर्धो मारुतम् इति मारुतं जम्भे रसस्य वावृध इति वृधन्वद् अष्टमे ऽहन्य् अष्टमस्याह्नो रूपम्

krīﾱaṃ vaḥ śardho mārutam iti mārutaṃ jambhe rasasya vāvṛdha iti vṛdhanvad aṣṭame 'hany aṣṭamasyāhno rūpam

5.19.17

जातवेदसे सुनवाम सोमम् इति जातवेदस्याच्युता

jātavedase sunavāma somam iti jātavedasyācyutā

5.19.18

अग्ने मृﾱअ महाṁ असीति जातवेदस्यम् महद्वद् अष्टमे ऽहन्यष्टमस्याह्नो रूपम्

agne mṛﾱa mahāṁ asīti jātavedasyam mahadvad aṣṭame 'hanyaṣṭamasyāhno rūpam

5.19.19

तान्य् उ गायत्राणि गायत्रतृतीयसवन एष त्र्यह एष त्र्यहः

tāny u gāyatrāṇi gāyatratṛtīyasavana eṣa tryaha eṣa tryahaḥ

5.20.1

यद् वै समानोदर्कं तन् नवमस्याह्नो रूपम्

yad vai samānodarkaṃ tan navamasyāhno rūpam

5.20.2

यद्ध्येव तृतीयम् अहस् तद् एवैतत् पुनर् यन्नवमम्

yaddhyeva tṛtīyam ahas tad evaitat punar yannavamam

5.20.3

यद् अश्ववद् यद् अन्तवद् यत् पुनरावृत्तं यत् पुनर्निनृत्तं यद् रतवद् यत् पर्यस्तवद् यत् त्रिवद् यद् अन्तरूपं यद् उत्तमे पदे देवता निरुच्यते यद् असौ लोको ऽभ्युदितः

yad aśvavad yad antavad yat punarāvṛttaṃ yat punarninṛttaṃ yad ratavad yat paryastavad yat trivad yad antarūpaṃ yad uttame pade devatā nirucyate yad asau loko 'bhyuditaḥ

Aitareyabrāhmaṇa