5.7.3

इमान् वै लोकान् प्रजापतिः सृष्ट्वेदं सर्वम् अशक्नोद् यद् इदम् किंच यद् इमांल्लोकान् प्रजापतिः सृष्ट्वेदं सर्वम् अशक्नोद् यद् इदं किंच तच् छक्वर्यो ऽभवंस् तच् छक्वरीणां शक्वरीत्वम्

imān vai lokān prajāpatiḥ sṛṣṭvedaṃ sarvam aśaknod yad idam kiṃca yad imāṃllokān prajāpatiḥ sṛṣṭvedaṃ sarvam aśaknod yad idaṃ kiṃca tac chakvaryo 'bhavaṃs tac chakvarīṇāṃ śakvarītvam

5.7.4

ता ऊर्ध्वाः सीम्नो ऽभ्यसृजत यद् ऊर्ध्वाः सीम्नो ऽभ्यसृजत तत् सिमा अभवंस् तत् सिमानां सिमात्वम्

tā ūrdhvāḥ sīmno 'bhyasṛjata yad ūrdhvāḥ sīmno 'bhyasṛjata tat simā abhavaṃs tat simānāṃ simātvam

5.7.5

स्वादोर् इत्था विषूवत उप नो हरिभिः सुतम् इन्द्रं विश्वा अवीवृधन्न् इत्य् अनुरूपो वृषण्वान् पृश्निमान् मद्वान् वृधन्वान् पञ्चमे ऽहनि पञ्चमस्याह्नो रूपम्

svādor itthā viṣūvata upa no haribhiḥ sutam indraṃ viśvā avīvṛdhann ity anurūpo vṛṣaṇvān pṛśnimān madvān vṛdhanvān pañcame 'hani pañcamasyāhno rūpam

5.7.6

यद् वावानेति धाय्याच्युता

yad vāvāneti dhāyyācyutā

5.7.7

अभि त्वा शूर नोनुम इति रथंतरस्य योनिम् अनु निवर्तयति राथंतरं ह्य् एतद् अहर् आयतनेन

abhi tvā śūra nonuma iti rathaṃtarasya yonim anu nivartayati rāthaṃtaraṃ hy etad ahar āyatanena

5.7.8

मो षु त्वा वाघतश् चनेति सामप्रगाथो ऽध्यासवान् पशुरूपम् पञ्चमे ऽहनि पञ्चमस्याह्नो रूपम्

mo ṣu tvā vāghataś caneti sāmapragātho 'dhyāsavān paśurūpam pañcame 'hani pañcamasyāhno rūpam

5.7.9

त्यम् ऊ षु वाजिनं देवजूतम् इति तार्क्ष्यो ऽच्युतः

tyam ū ṣu vājinaṃ devajūtam iti tārkṣyo 'cyutaḥ

5.8.1

प्रेदम् ब्रह्म वृत्रतूर्येष्व् आविथेति सूक्तम् पाङ्क्तम् पञ्चपदम् पञ्चमे ऽहनि पञ्चमस्याह्नो रूपम्

predam brahma vṛtratūryeṣv āvitheti sūktam pāṅktam pañcapadam pañcame 'hani pañcamasyāhno rūpam

5.8.2

इन्द्रो मदाय वावृध इति सूक्तम् मद्वत् पाङ्क्तम् पञ्चपदम् पञ्चमे ऽहनि पञ्चमस्याह्नो रूपम्

indro madāya vāvṛdha iti sūktam madvat pāṅktam pañcapadam pañcame 'hani pañcamasyāhno rūpam

5.8.3

सत्रा मदासस् तव विश्वजन्या इति सूक्तम् मद्वत् त्रैष्टुभं तेन प्रतिष्ठितपदेन सवनं दाधारायतनाद् एवैतेन न प्रच्यवते

satrā madāsas tava viśvajanyā iti sūktam madvat traiṣṭubhaṃ tena pratiṣṭhitapadena savanaṃ dādhārāyatanād evaitena na pracyavate

5.8.4

तम् इन्द्रं वाजयामसीति पर्यासः स वृषा वृषभो भुवद् इति पशुरूपम् पञ्चमे ऽहनि पञ्चमस्याह्नो रूपम्

tam indraṃ vājayāmasīti paryāsaḥ sa vṛṣā vṛṣabho bhuvad iti paśurūpam pañcame 'hani pañcamasyāhno rūpam

5.8.5

ता उ गायत्र्यो गायत्र्यो वा एतस्य त्र्यहस्य मध्यंदिनं वहन्ति तद् वै तच् छन्दो वहति यस्मिन् निविद्धीयते तस्माद् गायत्रीषु निविदं दधाति

tā u gāyatryo gāyatryo vā etasya tryahasya madhyaṃdinaṃ vahanti tad vai tac chando vahati yasmin nividdhīyate tasmād gāyatrīṣu nividaṃ dadhāti

5.8.6

तत् सवितुर् वृणीमहे ऽद्या नो देव सवितर् इति वैश्वदेवस्य प्रतिपदनुचरौ राथंतरे ऽहनि पञ्चमे ऽहनि पञ्चमस्याह्नो रूपम्

tat savitur vṛṇīmahe 'dyā no deva savitar iti vaiśvadevasya pratipadanucarau rāthaṃtare 'hani pañcame 'hani pañcamasyāhno rūpam

5.8.7

उद् उ ष्य देवः सविता दमूना इति सावित्रम् आ दाशुषे सुवति भूरि वामम् इति वामम् पशुरूपम् पञ्चमे ऽहनि पञ्चमस्याह्नो रूपम्

ud u ṣya devaḥ savitā damūnā iti sāvitram ā dāśuṣe suvati bhūri vāmam iti vāmam paśurūpam pañcame 'hani pañcamasyāhno rūpam

5.8.8

मही द्यावापृथिवी इह ज्येष्ठे इति द्यावापृथिवीयं रुवद्धोक्षेति पशुरूपम् पञ्चमे ऽहनि पञ्चमस्याह्नो रूपम्

mahī dyāvāpṛthivī iha jyeṣṭhe iti dyāvāpṛthivīyaṃ ruvaddhokṣeti paśurūpam pañcame 'hani pañcamasyāhno rūpam

5.8.9

ऋभुर् विभ्वा वाज इन्द्रो नो अच्छेत्य् आर्भवं वाजो वै पशवः पशुरूपम् पञ्चमे ऽहनि पञ्चमस्याह्नो रूपम्

ṛbhur vibhvā vāja indro no acchety ārbhavaṃ vājo vai paśavaḥ paśurūpam pañcame 'hani pañcamasyāhno rūpam

5.8.10

स्तुषे जनं सुव्रतं नव्यसीभिर् इति वैश्वदेवम् अध्यासवत् पशुरूपम् पञ्चमे ऽहनि पञ्चमस्याह्नो रूपम्

stuṣe janaṃ suvrataṃ navyasībhir iti vaiśvadevam adhyāsavat paśurūpam pañcame 'hani pañcamasyāhno rūpam

5.8.11

हविष्पान्तम् अजरं स्वर्विदीत्य् आग्निमारुतस्य प्रतिपद्धविष्मत् पञ्चमे ऽहनि पञ्चमस्याह्नो रूपम्

haviṣpāntam ajaraṃ svarvidīty āgnimārutasya pratipaddhaviṣmat pañcame 'hani pañcamasyāhno rūpam

5.8.12

वपुर् नु तच् चिकितुषे चिद् अस्त्व् इति मारुतं वपुष्मत् पञ्चमे ऽहनि पञ्चमस्याह्नो रूपम्

vapur nu tac cikituṣe cid astv iti mārutaṃ vapuṣmat pañcame 'hani pañcamasyāhno rūpam

5.8.13

जातवेदसे सुनवाम सोमम् इति जातवेदस्याच्युता

jātavedase sunavāma somam iti jātavedasyācyutā

Aitareyabrāhmaṇa