4.13.6

यद् वै रथंतरं तद् वैरूपं यद् बृहत् तद् वैराजम् यद् रथंतरं तच्छाक्वरं यद् बृहत् तद् रैवतम् एवम् एते उभे अनवसृष्टे भवतः

yad vai rathaṃtaraṃ tad vairūpaṃ yad bṛhat tad vairājam yad rathaṃtaraṃ tacchākvaraṃ yad bṛhat tad raivatam evam ete ubhe anavasṛṣṭe bhavataḥ

4.13.7

ये वा एवं विद्वांस एतद् अहर् उपयन्त्य् आप्त्वा वै ते ऽहश्शः संवत्सरम् आप्त्वार्धमासश आप्त्वा मासश आप्त्वा स्तोमांश् च छन्दांसि चाप्त्वा सर्वा देवतास् तप एव तप्यमानाः सोमपीथम् भक्षयन्तः संवत्सरम् अभिषुण्वन्त आसते

ye vā evaṃ vidvāṃsa etad ahar upayanty āptvā vai te 'haśśaḥ saṃvatsaram āptvārdhamāsaśa āptvā māsaśa āptvā stomāṃś ca chandāṃsi cāptvā sarvā devatās tapa eva tapyamānāḥ somapītham bhakṣayantaḥ saṃvatsaram abhiṣuṇvanta āsate

4.13.8

ये वा अत ऊर्ध्वं संवत्सरम् उपयन्ति गुरुं वै ते भारम् अभिनिदधते सं वै गुरुर् भारः शृणात्य् अथ य एनम् परस्तात् कर्मभिर् आप्त्वावस्ताद् उपैति स वै स्वस्ति संवत्सरस्य पारम् अश्नुते

ye vā ata ūrdhvaṃ saṃvatsaram upayanti guruṃ vai te bhāram abhinidadhate saṃ vai gurur bhāraḥ śṛṇāty atha ya enam parastāt karmabhir āptvāvastād upaiti sa vai svasti saṃvatsarasya pāram aśnute

4.14.1

यद् वै चतुर्विंशं तन् महाव्रतम् बृहद्दिवेनात्र होता रेतः सिञ्चति तद् अदो महाव्रतीयेनाह्ना प्रजनयति संवत्सरे संवत्सरे वै रेतः सिक्तं जायते तस्मात् समानम् बृहद्दिवो निष्केवल्यम् भवत्य् एष ह वा एनम् परस्तात् कर्मभिर् आप्त्वावस्ताद् उपैति य एवं विद्वान् एतद् अहर् उपैति

yad vai caturviṃśaṃ tan mahāvratam bṛhaddivenātra hotā retaḥ siñcati tad ado mahāvratīyenāhnā prajanayati saṃvatsare saṃvatsare vai retaḥ siktaṃ jāyate tasmāt samānam bṛhaddivo niṣkevalyam bhavaty eṣa ha vā enam parastāt karmabhir āptvāvastād upaiti ya evaṃ vidvān etad ahar upaiti

4.14.2

स्वस्ति संवत्सरस्य पारम् अश्नुते य एवं वेद

svasti saṃvatsarasya pāram aśnute ya evaṃ veda

4.14.3

यो वै संवत्सरस्यावारं च पारं च वेद स वै स्वस्ति संवत्सरस्य पारम् अश्नुते ऽतिरात्रो वा अस्य प्रायणीयो ऽवारम् उदयनीयः पारम्

yo vai saṃvatsarasyāvāraṃ ca pāraṃ ca veda sa vai svasti saṃvatsarasya pāram aśnute 'tirātro vā asya prāyaṇīyo 'vāram udayanīyaḥ pāram

4.14.4

स्वस्ति संवत्सरस्य पारम् अश्नुते य एवं वेद

svasti saṃvatsarasya pāram aśnute ya evaṃ veda

4.14.5

यो वै संवत्सरस्यावरोधनं चोद्रोधनं च वेद स वै स्वस्ति संवत्सरस्य पारम् अश्नुते ऽतिरात्रो वा अस्य प्रायणीयो ऽवरोधनम् उदयनीय उद्रोधनम्

yo vai saṃvatsarasyāvarodhanaṃ codrodhanaṃ ca veda sa vai svasti saṃvatsarasya pāram aśnute 'tirātro vā asya prāyaṇīyo 'varodhanam udayanīya udrodhanam

4.14.6

स्वस्ति संवत्सरस्य पारम् अश्नुते य एवं वेद

svasti saṃvatsarasya pāram aśnute ya evaṃ veda

4.14.7

यो वै संवत्सरस्य प्राणोदानौ वेद स वै स्वस्ति संवत्सरस्य पारम् अश्नुते ऽतिरात्रो वा अस्य प्रायणीयः प्राण उदान उदयनीयः

yo vai saṃvatsarasya prāṇodānau veda sa vai svasti saṃvatsarasya pāram aśnute 'tirātro vā asya prāyaṇīyaḥ prāṇa udāna udayanīyaḥ

4.14.8

स्वस्ति संवत्सरस्य पारम् अश्नुते य एवं वेद य एवं वेद

svasti saṃvatsarasya pāram aśnute ya evaṃ veda ya evaṃ veda

4.15.1

ज्योतिर् गौर् आयुर् इति स्तोमेभिर् यन्त्य् अयं वै लोको ज्योतिर् अन्तरिक्षं गौर् असौ लोक आयुः

jyotir gaur āyur iti stomebhir yanty ayaṃ vai loko jyotir antarikṣaṃ gaur asau loka āyuḥ

4.15.2

स एवैष उत्तरस् त्र्यहः

sa evaiṣa uttaras tryahaḥ

4.15.3

ज्योतिर् गौर् आयुर् इति त्रीण्य् अहानि गौर् आयुर् ज्योतिर् इति त्रीणि

jyotir gaur āyur iti trīṇy ahāni gaur āyur jyotir iti trīṇi

4.15.4

अयं वै लोको ज्योतिर् असौ लोको ज्योतिस् ते एते ज्योतिषी उभयतः संलोकेते

ayaṃ vai loko jyotir asau loko jyotis te ete jyotiṣī ubhayataḥ saṃlokete

4.15.5

तेनैतेनोभयतोज्योतिषा षﾱअहेन यन्ति तद् यद् एतेनोभयतोज्योतिषा षﾱअहेन यन्त्य् अनयोर् एव तल् लोकयोर् उभयतः प्रतितिष्ठन्तो यन्त्य् अस्मिंश् च लोके ऽमुष्मिंश् चोभयोः

tenaitenobhayatojyotiṣā ṣaﾱahena yanti tad yad etenobhayatojyotiṣā ṣaﾱahena yanty anayor eva tal lokayor ubhayataḥ pratitiṣṭhanto yanty asmiṃś ca loke 'muṣmiṃś cobhayoḥ

4.15.6

परियद् वा एतद् देवचक्रं यद् अभिप्लवः षﾱअहस् तस्य याव् अभितो ऽग्निष्टोमौ तौ प्रधी ये चत्वारो मध्य उक्थ्यास् तन् नभ्यम्

pariyad vā etad devacakraṃ yad abhiplavaḥ ṣaﾱahas tasya yāv abhito 'gniṣṭomau tau pradhī ye catvāro madhya ukthyās tan nabhyam

4.15.7

गच्छति वै वर्तमानेन यत्र कामयते तत् स्वस्ति संवत्सरस्य पारम् अश्नुते य एवं वेद

gacchati vai vartamānena yatra kāmayate tat svasti saṃvatsarasya pāram aśnute ya evaṃ veda

4.15.8

यो वै तद् वेद यत् प्रथमः षﾱअहः स वै स्वस्ति संवत्सरस्य पारम् अश्नुते यस् तद् वेद यद् द्वितीयो यस् तद् वेद यत् तृतीयो यस् तद् वेद यच् चतुर्थो यस् तद् वेद यत् पञ्चमः

yo vai tad veda yat prathamaḥ ṣaﾱahaḥ sa vai svasti saṃvatsarasya pāram aśnute yas tad veda yad dvitīyo yas tad veda yat tṛtīyo yas tad veda yac caturtho yas tad veda yat pañcamaḥ

4.16.1

प्रथमं षﾱअहम् उपयन्ति षﾱ अहानि भवन्ति षड् वा ऋतव ऋतुश एव तत् संवत्सरम् आप्नुवन्त्य् ऋतुशः संवत्सरे प्रतितिष्ठन्तो यन्ति

prathamaṃ ṣaﾱaham upayanti ṣaﾱ ahāni bhavanti ṣaḍ vā ṛtava ṛtuśa eva tat saṃvatsaram āpnuvanty ṛtuśaḥ saṃvatsare pratitiṣṭhanto yanti

Aitareyabrāhmaṇa