4.4.15

सर्वेभ्यश् छन्दोभ्यः संनिर्मितेन षोﾱअशिना राध्नोति य एवं वेद

sarvebhyaś chandobhyaḥ saṃnirmitena ṣoﾱaśinā rādhnoti ya evaṃ veda

4.5.1

अहर् वै देवा अश्रयन्त रात्रीम् असुरास् ते समावद्वीर्या एवासन् न व्यावर्तन्त सो ऽब्रवीद् इन्द्रः कश् चाहं चेमान् इतो ऽसुरान् रात्रीम् अन्व् अवेष्याव इति स देवेषु न प्रत्यविन्दद् अबिभयू रात्रेस् तमसो मृत्योस् तस्माद्धाप्य् एतर्हि नक्तं यावन्मात्रम् इवैवापक्रम्य बिभेति तम इव हि रात्रिर् मृत्युर् इव

ahar vai devā aśrayanta rātrīm asurās te samāvadvīryā evāsan na vyāvartanta so 'bravīd indraḥ kaś cāhaṃ cemān ito 'surān rātrīm anv aveṣyāva iti sa deveṣu na pratyavindad abibhayū rātres tamaso mṛtyos tasmāddhāpy etarhi naktaṃ yāvanmātram ivaivāpakramya bibheti tama iva hi rātrir mṛtyur iva

4.5.2

तं वै छन्दांस्य् एवान्ववायंस् तं यच्छन्दांस्य् एवान्ववायंस्तस्माद् इन्द्रश्चैव छन्दांसि च रात्रीं वहन्ति न निविच्छस्यते न पुरोरुङ् न धाय्या नान्या देवतेन्द्रश्च ह्येवछन्दांसि च रात्रीं वहन्ति

taṃ vai chandāṃsy evānvavāyaṃs taṃ yacchandāṃsy evānvavāyaṃstasmād indraścaiva chandāṃsi ca rātrīṃ vahanti na nivicchasyate na puroruṅ na dhāyyā nānyā devatendraśca hyevachandāṃsi ca rātrīṃ vahanti

4.5.3

तान् वै पर्यायैर् एव पर्यायम् अनुदन्त यत् पर्यायैः पर्यायम् अनुदन्त तत् पर्यायाणाम् पर्यायत्वम्

tān vai paryāyair eva paryāyam anudanta yat paryāyaiḥ paryāyam anudanta tat paryāyāṇām paryāyatvam

4.5.4

तान् वै प्रथमेनैव पर्यायेण पूर्वरात्राद् अनुदन्त मध्यमेन मध्यरात्राद् उत्तमेनापररात्रात्

tān vai prathamenaiva paryāyeṇa pūrvarātrād anudanta madhyamena madhyarātrād uttamenāpararātrāt

4.5.5

अपि शर्वर्या अनुस्मसीत्य् अब्रुवन्न् अपिशर्वराणि खलु वा एतानि छन्दांसीति ह स्माहैतानि हीन्द्रं रात्रेस् तमसो मृत्योर् बिभ्यतम् अत्यपारयंस् तद् अपिशर्वराणाम् अपिशर्वरत्वम्

api śarvaryā anusmasīty abruvann apiśarvarāṇi khalu vā etāni chandāṃsīti ha smāhaitāni hīndraṃ rātres tamaso mṛtyor bibhyatam atyapārayaṃs tad apiśarvarāṇām apiśarvaratvam

4.6.1

पान्तम् आ वो अन्धस इत्य् अन्धस्वत्यानुष्टुभा रात्रीम्

ā vo andhasa ity andhasvatyānuṣṭubhā rātrīm pratipadyate

4.6.2

आनुष्टुभी वै रात्रिर् एतद् रात्रिरूपम्

ānuṣṭubhī vai rātrir etad rātrirūpam

4.6.3

अन्धस्वत्यः पीतवत्यो मद्वत्यस् त्रिष्टुभो याज्या भवन्त्य् अभिरूपा यद् यज्ञे ऽभिरूपं तत् समृद्धम्

andhasvatyaḥ pītavatyo madvatyas triṣṭubho yājyā bhavanty abhirūpā yad yajñe 'bhirūpaṃ tat samṛddham

4.6.4

प्रथमेन पर्यायेण स्तुवते प्रथमान्य् एव पदानि पुनर् आददते यद् एवैषाम् अश्वा गाव आसंस् तद् एवैषां तेनाददते

prathamena paryāyeṇa stuvate prathamāny eva padāni punar ādadate yad evaiṣām aśvā gāva āsaṃs tad evaiṣāṃ tenādadate

4.6.5

मध्यमेन पर्यायेण स्तुवते मध्यमान्य् एव पदानि पुनर् आददते यद् एवैषाम् मनोरथा आसंस् तद् एवैषां तेनाददते

madhyamena paryāyeṇa stuvate madhyamāny eva padāni punar ādadate yad evaiṣām manorathā āsaṃs tad evaiṣāṃ tenādadate

4.6.6

उत्तमेन पर्यायेण स्तुवत उत्तमान्य् एव पदानि पुनर् आददते यद् एवैषां वासो हिरण्यम् मणिर् अध्यात्मम् आसीत् तद् एवैषां तेनाददते

uttamena paryāyeṇa stuvata uttamāny eva padāni punar ādadate yad evaiṣāṃ vāso hiraṇyam maṇir adhyātmam āsīt tad evaiṣāṃ tenādadate

4.6.7

आ द्विषतो वसु दत्ते निर् एनम् एभ्यः सर्वेभ्यो लोकेभ्यो नुदते य एवं वेद

ā dviṣato vasu datte nir enam ebhyaḥ sarvebhyo lokebhyo nudate ya evaṃ veda

4.6.8

पवमानवद् अहर् इत्य् आहुर् न रात्रिः पवमानवती कथम् उभे पवमानवती भवतः केन ते समावद्भाजौ भवत इति

pavamānavad ahar ity āhur na rātriḥ pavamānavatī katham ubhe pavamānavatī bhavataḥ kena te samāvadbhājau bhavata iti

4.6.9

यद् एवेन्द्राय मद्वने सुतम् इदं वसो सुतम् अन्ध इदं ह्य् अन्व् ओजसा सुतम् इति स्तुवन्ति च शंसन्ति च तेन रात्रिः पवमानवती तेनोभे पवमानवती भवतस् तेन ते समावद्भाजौ भवतः

yad evendrāya madvane sutam idaṃ vaso sutam andha idaṃ hy anv ojasā sutam iti stuvanti ca śaṃsanti ca tena rātriḥ pavamānavatī tenobhe pavamānavatī bhavatas tena te samāvadbhājau bhavataḥ

4.6.10

पञ्चदशस्तोत्रम् अहर् इत्य् आहुर् न रात्रिः पञ्चदशस्तोत्रा कथम् उभे पञ्चदशस्तोत्रे भवतः केन ते समावद्भाजौ भवत इति

pañcadaśastotram ahar ity āhur na rātriḥ pañcadaśastotrā katham ubhe pañcadaśastotre bhavataḥ kena te samāvadbhājau bhavata iti

4.6.11

द्वादश स्तोत्राण्य् अपिशर्वराणि तिसृभिर् देवताभिः संधिना राथंतरेण स्तुवते तेन रात्रिः पञ्चदशस्तोत्रा तेनोभे पञ्चदशस्तोत्रे भवतस् तेन ते समावद्भाजौ भवतः

dvādaśa stotrāṇy apiśarvarāṇi tisṛbhir devatābhiḥ saṃdhinā rāthaṃtareṇa stuvate tena rātriḥ pañcadaśastotrā tenobhe pañcadaśastotre bhavatas tena te samāvadbhājau bhavataḥ

4.6.12

परिमितं स्तुवन्त्य् अपरिमितम् अनुशंसति परिमितं वै भूतम् अपरिमितम् भव्यम् अपरिमितस्यावरुद्ध्या इति

parimitaṃ stuvanty aparimitam anuśaṃsati parimitaṃ vai bhūtam aparimitam bhavyam aparimitasyāvaruddhyā iti

4.6.13

अतिशंसति स्तोत्रम् अति वै प्रजात्मानम् अति पशवस् तद् यत् स्तोत्रम् अतिशंसति यद् एवास्यात्य् आत्मानं तद् एवास्यैतेनावरुन्द्धे ऽवरुन्द्धे

atiśaṃsati stotram ati vai prajātmānam ati paśavas tad yat stotram atiśaṃsati yad evāsyāty ātmānaṃ tad evāsyaitenāvarunddhe 'varunddhe

4.7.1

प्रजापतिर् वै सोमाय राज्ञे दुहितरम् प्रायच्छत् सूर्यां सावित्रीं तस्यै सर्वे देवा वरा आगच्छंस् तस्या एतत् सहस्रं वहतुम् अन्वाकरोद् यद् एतद् आश्विनम् इत्य् आचक्षते ऽनाश्विनं हैव तद् यद् अर्वाक्सहस्रं तस्मात् तत् सहस्रं वैव शंसेद् भूयो वा

prajāpatir vai somāya rājñe duhitaram prāyacchat sūryāṃ sāvitrīṃ tasyai sarve devā varā āgacchaṃs tasyā etat sahasraṃ vahatum anvākarod yad etad āśvinam ity ācakṣate 'nāśvinaṃ haiva tad yad arvāksahasraṃ tasmāt tat sahasraṃ vaiva śaṃsed bhūyo vā

Aitareyabrāhmaṇa