3.49.8

तद् आहुः साकमश्वेनोक्थानि प्रणयेद् अप्रणीतानि वाव तान्य् उक्थानि यान्य् अन्यत्र साकमश्वाद् इति

tad āhuḥ sākamaśvenokthāni praṇayed apraṇītāni vāva tāny ukthāni yāny anyatra sākamaśvād iti

3.49.9

प्रमंहिष्ठीयेन प्रणयेद् इत्य् आहुः प्रमंहिष्ठीयेन वै देवा असुरान् उक्थेभ्यः प्राणुदन्त

pramaṃhiṣṭhīyena praṇayed ity āhuḥ pramaṃhiṣṭhīyena vai devā asurān ukthebhyaḥ prāṇudanta

3.49.10

तत् प्राहैव प्रमंहिष्ठीयेन नयेत् प्र साकमश्वेन

tat prāhaiva pramaṃhiṣṭhīyena nayet pra sākamaśvena

3.50.1

ते वा असुरा मैत्रावरुणस्योक्थम् अश्रयन्त सो ऽब्रवीद् इन्द्रः कश् चाहं चेमान् इतो ऽसुरान् नोत्स्यावहा इत्य् अहं चेत्य् अब्रवीद् वरुणस् तस्माद् ऐन्द्रावरुणम् मैत्रावरुणस् तृतीयसवने शंसतीन्द्रश् च हि तान् वरुणश् च ततो ऽनुदेताम्

te vā asurā maitrāvaruṇasyoktham aśrayanta so 'bravīd indraḥ kaś cāhaṃ cemān ito 'surān notsyāvahā ity ahaṃ cety abravīd varuṇas tasmād aindrāvaruṇam maitrāvaruṇas tṛtīyasavane śaṃsatīndraś ca hi tān varuṇaś ca tato 'nudetām

3.50.2

ते वै ततो ऽपहता असुरा ब्राह्मणाच्छंसिन उक्थम् अश्रयन्त सो ऽब्रवीद् इन्द्रः कश्चाहं चेमान् इतो ऽसुरान् नोत्स्यावहा इत्य् अहं चेत्य् अब्रवीद् बृहस्पतिस् तस्माद् ऐन्द्राबार्हस्पत्यम् ब्राह्मणाच्छंसी तृतीयसवने शंसतीन्द्रश् च हि तान् बृहस्पतिश् च ततोऽनुदेताम्

te vai tato 'pahatā asurā brāhmaṇācchaṃsina uktham aśrayanta so 'bravīd indraḥ kaścāhaṃ cemān ito 'surān notsyāvahā ity ahaṃ cety abravīd bṛhaspatis tasmād aindrābārhaspatyam brāhmaṇācchaṃsī tṛtīyasavane śaṃsatīndraś ca hi tān bṛhaspatiś ca tato'nudetām

3.50.3

ते वै ततो ऽपहता असुरा अछावाकस्योक्थम् अश्रयन्त सो ऽब्रवीद् इन्द्रः कश् चाहं चेमान् इतो ऽसुरान् नोत्स्यावहा इत्य् अहं चेत्य् अब्रवीद् विष्णुस् तस्माद् ऐन्द्रावैष्णवम् अछावाकस् तृतीयसवने शंसतीन्द्रश् च हि तान् विष्णुश् च ततो ऽनुदेताम्

te vai tato 'pahatā asurā achāvākasyoktham aśrayanta so 'bravīd indraḥ kaś cāhaṃ cemān ito 'surān notsyāvahā ity ahaṃ cety abravīd viṣṇus tasmād aindrāvaiṣṇavam achāvākas tṛtīyasavane śaṃsatīndraś ca hi tān viṣṇuś ca tato 'nudetām

3.50.4

द्वन्द्वम् इन्द्रेण देवताः शस्यन्ते द्वन्द्वं वै मिथुनं तस्माद् द्वन्द्वान् मिथुनम् प्रजायते प्रजात्यै

dvandvam indreṇa devatāḥ śasyante dvandvaṃ vai mithunaṃ tasmād dvandvān mithunam prajāyate prajātyai

3.50.5

प्रजायते प्रजया पशुभिर् य एवं वेद

prajāyate prajayā paśubhir ya evaṃ veda

3.50.6

अथ हैते पोत्रीयाश् च नेष्ट्रीयाश् च चत्वार ऋतुयाजाः षﾱ ऋचः सा विराड् दशिनी तद् विराजि यज्ञं दशिन्याम् प्रतिष्ठापयन्ति प्रतिष्ठापयन्ति

atha haite potrīyāś ca neṣṭrīyāś ca catvāra ṛtuyājāḥ ṣaﾱ ṛcaḥ sā virāḍ daśinī tad virāji yajñaṃ daśinyām pratiṣṭhāpayanti pratiṣṭhāpayanti

4.1.1

देवा वै प्रथमेनाह्नेन्द्राय वज्रं समभरंस् तं द्वितीयेनाह्नासिञ्चंस् तं तृतीयेनाह्ना प्रायच्छंस् तं चतुर्थे ऽहन् प्राहरत् तस्माच्चतुर्थे ऽहन् षोﾱअशिनं शंसति

devā vai prathamenāhnendrāya vajraṃ samabharaṃs taṃ dvitīyenāhnāsiñcaṃs taṃ tṛtīyenāhnā prāyacchaṃs taṃ caturthe 'han prāharat tasmāccaturthe 'han ṣoﾱaśinaṃ śaṃsati

4.1.2

वज्रो वा एष यत् षोﾱअशी तद् यच् चतुर्थे ऽहन् षोﾱअशिनं शंसति वज्रम् एव तत् प्रहरति द्विषते भ्रातृव्याय वधं यो ऽस्य स्तृत्यस् तस्मै स्तर्तवै

vajro vā eṣa yat ṣoﾱaśī tad yac caturthe 'han ṣoﾱaśinaṃ śaṃsati vajram eva tat praharati dviṣate bhrātṛvyāya vadhaṃ yo 'sya stṛtyas tasmai startavai

4.1.3

वज्रो वै षोﾱअशी पशव उक्थानि तम् परस्ताद् उक्थानाम् पर्यस्य शंसति

vajro vai ṣoﾱaśī paśava ukthāni tam parastād ukthānām paryasya śaṃsati

4.1.4

तं यत् परस्ताद् उक्थानाम् पर्यस्य शंसति वज्रेणैव तत् षोﾱअशिना पशून् परिगच्छति तस्मात् पशवो वज्रेणैव षोﾱअशिना परिगता मनुष्यान् अभ्य् उपावर्तन्ते तस्माद् अश्वो वा पुरुषो वा गौर् वा हस्ती वा परिगत एव स्वयम् आत्मनेत एव वाचाभिषिद्ध उपावर्तते वज्रम् एव षोﾱअशिनम् पश्यन् वज्रेणैव षोﾱअशिना परिगतो वाग्घि वज्रो वाक् षोﾱअशी

taṃ yat parastād ukthānām paryasya śaṃsati vajreṇaiva tat ṣoﾱaśinā paśūn parigacchati tasmāt paśavo vajreṇaiva ṣoﾱaśinā parigatā manuṣyān abhy upāvartante tasmād aśvo vā puruṣo vā gaur vā hastī vā parigata eva svayam ātmaneta eva vācābhiṣiddha upāvartate vajram eva ṣoﾱaśinam paśyan vajreṇaiva ṣoﾱaśinā parigato vāgghi vajro vāk ṣoﾱaśī

4.1.5

तद् आहुः किं षोﾱअशिनः षोﾱअशित्वम् इति षोﾱअशः स्तोत्राणां षोﾱअशः शस्त्राणां षोﾱअशभिर् अक्षरैर् आदत्ते षोﾱअशिभिः प्रणौति षोﾱअशपदां निविदं दधाति तत् षोﾱअशिनः षोﾱअशित्वम्

tad āhuḥ kiṃ ṣoﾱaśinaḥ ṣoﾱaśitvam iti ṣoﾱaśaḥ stotrāṇāṃ ṣoﾱaśaḥ śastrāṇāṃ ṣoﾱaśabhir akṣarair ādatte ṣoﾱaśibhiḥ praṇauti ṣoﾱaśapadāṃ nividaṃ dadhāti tat ṣoﾱaśinaḥ ṣoﾱaśitvam

4.1.6

द्वे वा अक्षरे अतिरिच्येते षोﾱअशिनो ऽनुष्टुभम् अभिसंपन्नस्य वाचो वाव तौ स्तनौ सत्यानृते वाव ते

dve vā akṣare atiricyete ṣoﾱaśino 'nuṣṭubham abhisaṃpannasya vāco vāva tau stanau satyānṛte vāva te

4.1.7

अवत्य् एनं सत्यं नैनम् अनृतं हिनस्ति य एवं वेद

avaty enaṃ satyaṃ nainam anṛtaṃ hinasti ya evaṃ veda

4.2.1

गौरिवीतं षोﾱअशि साम कुर्वीत तेजस्कामो ब्रह्मवर्चसकामस् तेजो वै ब्रह्मवर्चसं गौरिवीतं तेजस्वी ब्रह्मवर्चसी भवति य एवं विद्वान् गौरिवीतं षोﾱअशि साम कुरुते

gaurivītaṃ ṣoﾱaśi sāma kurvīta tejaskāmo brahmavarcasakāmas tejo vai brahmavarcasaṃ gaurivītaṃ tejasvī brahmavarcasī bhavati ya evaṃ vidvān gaurivītaṃ ṣoﾱaśi sāma kurute

4.2.2

नानदं षोﾱअशि साम कर्तव्यम् इत्य् आहुर् इन्द्रो वै वृत्राय वज्रम् उदयच्छत् तम् अस्मै प्राहरत् तम् अभ्यहनत् सो ऽभिहतो व्यनदद् यद् व्यनदत् तन् नानदं सामाभवत् तन् नानदस्य नानदत्वम् अभ्रातृव्यं वा एतद् भ्रातृव्यहा साम यन् नानदम्

nānadaṃ ṣoﾱaśi sāma kartavyam ity āhur indro vai vṛtrāya vajram udayacchat tam asmai prāharat tam abhyahanat so 'bhihato vyanadad yad vyanadat tan nānadaṃ sāmābhavat tan nānadasya nānadatvam abhrātṛvyaṃ vā etad bhrātṛvyahā sāma yan nānadam

4.2.3

अभ्रातृव्यो भ्रातृव्यहा भवति य एवं विद्वान् नानदं षोﾱअशि साम कुरुते

abhrātṛvyo bhrātṛvyahā bhavati ya evaṃ vidvān nānadaṃ ṣoﾱaśi sāma kurute

4.2.4

तद् यदि नानदं कुर्युर् अविहृतः षोﾱअशी शंस्तव्यो ऽविहृतासु हि तासु स्तुवते यदि गौरिवीतं विहृतः षोﾱअशी शंस्तव्यो विहृतासु हि तासु स्तुवते

tad yadi nānadaṃ kuryur avihṛtaḥ ṣoﾱaśī śaṃstavyo 'vihṛtāsu hi tāsu stuvate yadi gaurivītaṃ vihṛtaḥ ṣoﾱaśī śaṃstavyo vihṛtāsu hi tāsu stuvate

Aitareyabrāhmaṇa