2.8

सरोवरे पुनः क्षिप्तो ववृधे तत्प्रमाणवान्

sarovare punaḥ kṣipto vavṛdhe tatpramāṇavān

2.8.2

ऊचे देहि बृहत् स्थानं प्राक्षिपच्चाम्बुधौ ततः

ūce dehi bṛhat sthānaṃ prākṣipaccāmbudhau tataḥ

2.9

लक्षयोजनविस्तीर्णः क्षणमात्रेण सो ऽभवत्

lakṣayojanavistīrṇaḥ kṣaṇamātreṇa so 'bhavat

2.9.2

मत्स्यं तमद्भुतं दृष्ट्वा विस्मितः प्राब्रवीन् मनुः

matsyaṃ tamadbhutaṃ dṛṣṭvā vismitaḥ prābravīn manuḥ

2.10

को भवान् ननु वै विष्णुर् नारायण नमो ऽस्तु ते

ko bhavān nanu vai viṣṇur nārāyaṇa namo 'stu te

2.10.2

मायया मोहयसि मां किमर्थं त्वं जनार्दन

māyayā mohayasi māṃ kimarthaṃ tvaṃ janārdana

2.11

मनुनोक्तो ऽब्रवीन्मत्स्यो मनुं वै पालने रतम्

manunokto 'bravīnmatsyo manuṃ vai pālane ratam

2.11.2

अवतीर्णो भवायास्य जगतो दुष्टनष्टये

avatīrṇo bhavāyāsya jagato duṣṭanaṣṭaye

2.12

सप्तमे दिवसे त्व् अब्धिः प्लावयिष्यति वै जगत्

saptame divase tv abdhiḥ plāvayiṣyati vai jagat

2.12.2

उपस्थितायां नावि त्वं बीजादीनि विधाय च

upasthitāyāṃ nāvi tvaṃ bījādīni vidhāya ca

2.13

सप्तर्षिभिः परिवृतो निशां ब्राह्मीं चरिष्यसि

saptarṣibhiḥ parivṛto niśāṃ brāhmīṃ cariṣyasi

2.13.2

उपस्थितस्य मे शृङ्गे निबध्नीहि महाहिना

upasthitasya me śṛṅge nibadhnīhi mahāhinā

2.14

इत्युक्त्वान्तर्दधे मत्स्यो मनुः कालप्रतीक्षकः

ityuktvāntardadhe matsyo manuḥ kālapratīkṣakaḥ

2.14.2

स्थितः समुद्र उद्वेले नावमारुरुहे तदा

sthitaḥ samudra udvele nāvamāruruhe tadā

2.15

एकशृङ्गधरो मत्स्यो हैमो नियुतयोजनः

ekaśṛṅgadharo matsyo haimo niyutayojanaḥ

2.15.2

नावम् बबन्ध तच्छृङ्गे मत्स्याख्यं च पुराणकम्

nāvam babandha tacchṛṅge matsyākhyaṃ ca purāṇakam

2.16

शुश्राव मत्स्यात्पापघ्नं संस्तुवन् स्तुतिभिश् च तं

śuśrāva matsyātpāpaghnaṃ saṃstuvan stutibhiś ca taṃ

2.16.2

ब्रह्मवेदप्रहर्तारं हयग्रीवं च दानवं

brahmavedaprahartāraṃ hayagrīvaṃ ca dānavaṃ

2.17

अवधीत् वेदमत्स्याद्यान् पालयामास केशवः

avadhīt vedamatsyādyān pālayāmāsa keśavaḥ

2.17.2

प्राप्ते कल्पे ऽथ वाराहे कूर्मरूपो ऽभवद्धरिः

prāpte kalpe 'tha vārāhe kūrmarūpo 'bhavaddhariḥ

Agnipurāṇa