2.44

सुषमदुःषमा ते द्वे दुःषमसुषमा पुनः

suṣamaduḥṣamā te dve duḥṣamasuṣamā punaḥ

2.44.2

सैका सहस्रैर्वर्षाणां द्विचत्वारिंशतोनिता

saikā sahasrairvarṣāṇāṃ dvicatvāriṃśatonitā

2.45

अथ दुःषमैकविंशतिरब्दसहस्राणि तावती तु स्यात्

atha duḥṣamaikaviṃśatirabdasahasrāṇi tāvatī tu syāt

2.45.2

एकान्तदुःषमापि ह्येतत्संख्याः परे ऽपि विपरीताः

ekāntaduḥṣamāpi hyetatsaṃkhyāḥ pare 'pi viparītāḥ

2.46

प्रथमे ऽरत्रये मर्त्यास्त्रिद्व्येकपल्यजीविताः

prathame 'ratraye martyāstridvyekapalyajīvitāḥ

2.46.2

त्रिद्व्येकगव्यूत्युच्छ्रयास्त्रिद्व्येकदिनभोजनाः

tridvyekagavyūtyucchrayāstridvyekadinabhojanāḥ

2.47

कल्पद्रुफलसंतुष्टाश्चतुर्थे त्वरके नराः

kalpadruphalasaṃtuṣṭāścaturthe tvarake narāḥ

2.47.2

पूर्वकोट्यायुषः पञ्चधनुःशतसमुच्छ्रयाः

pūrvakoṭyāyuṣaḥ pañcadhanuḥśatasamucchrayāḥ

2.48

पञ्चमे तु वर्षशतायुषः सप्तकरोच्छ्रयाः

pañcame tu varṣaśatāyuṣaḥ saptakarocchrayāḥ

2.48.2

षष्ठे पुनः षोडशाब्दायुषो हस्तसमुच्छ्रयाः

ṣaṣṭhe punaḥ ṣoḍaśābdāyuṣo hastasamucchrayāḥ

2.49

एकान्तदुःखप्रचिता उत्सर्पिण्यामपीदृशाः

ekāntaduḥkhapracitā utsarpiṇyāmapīdṛśāḥ

2.49.2

पश्चानुपूर्व्या विज्ञेया अरेषु किल षट्स्वपि

paścānupūrvyā vijñeyā areṣu kila ṣaṭsvapi

2.50

अष्टादश निमेषास्तु काष्ठा काष्ठाद्वयं लवः

aṣṭādaśa nimeṣāstu kāṣṭhā kāṣṭhādvayaṃ lavaḥ

2.50.2

कला तैः पञ्चदशभिर्लेशस्तद्द्वितयेन च

kalā taiḥ pañcadaśabhirleśastaddvitayena ca

2.51

क्षणस्तैः पञ्चदशभिः क्षणैः षड्भिस्तु नाडिका

kṣaṇastaiḥ pañcadaśabhiḥ kṣaṇaiḥ ṣaḍbhistu nāḍikā

2.51.2

सा धारिका च घटिका मुहूर्तस्तद्द्वयेन च

sā dhārikā ca ghaṭikā muhūrtastaddvayena ca

2.52

त्रिंशता तैरहोरात्रस्तत्राहर्दिवसो दिनम्

triṃśatā tairahorātrastatrāhardivaso dinam

2.52.2

दिवं द्युर् वासरो घस्रः प्रभातं

divaṃ dyur vāsaro ghasraḥ prabhātaṃ

2.53

व्युष्टं विभातं प्रत्यूषं कल्यप्रत्युषसी उषः

vyuṣṭaṃ vibhātaṃ pratyūṣaṃ kalyapratyuṣasī uṣaḥ

2.53.2

काल्यं मध्याह्नस्तु दिवामध्यं मध्यंदिनं च सः

kālyaṃ madhyāhnastu divāmadhyaṃ madhyaṃdinaṃ ca saḥ

Abhidhānacintāmaṇi